RBI ગવર્નરે કહ્યું કે, વ્યાજ દર ઘટાડવાનો નિર્ણય અર્થતંત્રની સ્થિતિ અને ડેટા પર રહેશે નિર્ભર

RBI ગવર્નર શક્તિકાંત દાસે કહ્યું છે કે આગામી દિવસોમાં વ્યાજ દર ઘટાડવાનો નિર્ણય અર્થતંત્રની સ્થિતિ અને ડેટા પર નિર્ભર રહેશે. આરબીઆઈ ગવર્નરે જણાવ્યું હતું કે મે મહિનામાં છૂટક ફુગાવાનો દર એપ્રિલ કરતાં ઓછો રહેવાની ધારણા છે.

એપ્રિલમાં રિટેલ મોંઘવારી દર 4.70 ટકાના 18 મહિનાની નીચી સપાટીએ આવી ગયો હતો, જ્યારે બરાબર એક વર્ષ પહેલા એપ્રિલ 2022માં રિટેલ ફુગાવાનો દર 7.79 ટકા પર પહોંચી ગયો હતો.

બિઝનેસ ચેમ્બર CIIની વાર્ષિક કોન્ફરન્સને સંબોધતા આરબીઆઈ ગવર્નરે કહ્યું કે આંકડા દર્શાવે છે કે નાણાકીય વર્ષ 2022-23 માટે જીડીપી 7.55 ટકાથી વધુ હોઈ શકે છે.

ભારતીય અર્થતંત્ર 2022 સુધીમાં $3.5 ટ્રિલિયનને પાર કરશે

ભારતીય અર્થતંત્ર માટે સારા સમાચાર છે. વર્ષ 2022 માં ભારતનો જીડીપી 3.5 ટ્રિલિયન ડોલરથી વધુ રહ્યો છે અને આગામી પાંચ વર્ષ માટે ભારતીય અર્થતંત્ર G20 જૂથના દેશોમાં સૌથી ઝડપથી વિકસતું અર્થતંત્ર બનવા જઈ રહ્યું છે. અમેરિકન રેટિંગ એજન્સી મૂડીઝે પોતાના રિસર્ચ રિપોર્ટમાં આ જાણકારી આપી છે.

મૂડીઝે તેના રિપોર્ટમાં ભારતીય અર્થવ્યવસ્થા સામેના પડકારોનો પણ ઉલ્લેખ કર્યો છે. તેણે પોતાના રિપોર્ટમાં કહ્યું છે કે નોકરશાહીના આળસની ખરાબ અસર ભોગવવી પડી શકે છે. આનાથી લાયસન્સ મેળવવામાં વિલંબ, બિઝનેસ શરૂ કરવાની પરવાનગીની પ્રક્રિયામાં વિલંબ તેમજ પ્રોજેક્ટમાં વિલંબને કારણે વિદેશી રોકાણમાં અડચણો આવી શકે છે, જેનાથી ફોરેન ડાયરેક્ટ ઇન્વેસ્ટમેન્ટ (FDI) ગંતવ્ય તરીકે ભારતનું આકર્ષણ ઘટે છે.