ચૌધરી બિરેન્દ્ર સિંહ ભાજપમાંથી રાજીનામું આપ્યાના એક દિવસ બાદ કોંગ્રેસમાં જોડાયા

પૂર્વ કેન્દ્રીય મંત્રી ચૌધરી બિરેન્દ્ર સિંહ તેમની પત્ની અને પૂર્વ ધારાસભ્ય પ્રેમ લતા સાથે કોંગ્રેસમાં જોડાયા છે.

સોમવારે તેમણે ભાજપમાંથી રાજીનામું આપ્યું હતું.

આ પહેલા 10 માર્ચે બિરેન્દ્ર સિંહના પુત્ર અને હિસારના સાંસદ બ્રિજેન્દ્ર સિંહ કોંગ્રેસમાં જોડાયા હતા.

લગભગ 42 વર્ષ કોંગ્રેસમાં રહ્યા બાદ ચૌધરી બિરેન્દ્ર સિંહે ઓગસ્ટ 2014માં પાર્ટીમાંથી રાજીનામું આપી દીધું હતું અને ભાજપમાં જોડાયા હતા.

આ પછી ભાજપે તેમને રાજ્યસભામાં મોકલ્યા અને તેઓ કેબિનેટ મંત્રી બન્યા. બિરેન્દ્ર સિંહ હરિયાણાના મોટા જાટ નેતાઓમાંથી એક છે.