નવી દિલ્હીઃ વડા પ્રધાન નરેન્દ્ર મોદીએ આજે સવારે આધારભૂત માળખું અને મૂડીરોકાણ પર બજેટ પછીના વેબીનારને સંબોધન કર્યું હતું. આ પ્રસંગે તેમણે કહ્યું કે આ વર્ષનું બજેટ આધારભૂત માળખાના વિકાસને નવી ગતિ આપનારું છે. દુનિયાના મોટા-મોટા નિષ્ણાતો અને ઘણાં પ્રતિષ્ઠિત મીડિયા હાઉસે ભારતના બજેટ અને રાજકીય નિર્ણયોની ભારોભાર પ્રશંસા કરી છે.
Advertisement
Advertisement
વેબીનારને સંબોધતા PM મોદીએ વધુમાં કહ્યું કે નેશનલ ઈન્ફ્રાસ્ટ્રક્ચર પાઈપલાઈન અંતર્ગત સરકાર આગામી સમયમાં રૂ.110 લાખ કરોડના રોકાણનું લક્ષ્ય રાખીને આગળ વધી રહી છે. તેવામાં દરેક હિતધારકો માટે આ નવી જવાબદારી, નવી શક્યતાઓ અને સાહસપૂર્ણ નિર્ણયનો સમય છે. કોઈપણ દેશના વિકાસમાં હંમેશા આધારભૂત માળખાનું મહત્ત્વ રહ્યું છે. કમનસીબે આઝાદી પછી આધુનિક ઈન્ફ્રાસ્ટ્રક્ચરને જેટલું મહત્ત્વ આપવું જોઈએ તેટલું અપાયું નથી. આપણે ત્યાં દાયકાઓથી ગરીબી એક મનોભાવ હોવાની એક વિચારધારાનું વર્ચસ્વ રહ્યું છે. આ વિચારધારાને લીધે દેશના ઈન્ફ્રાસ્ટ્રક્ચરમાં રોકાણ કરવામાં અગાઉની સરકારોને મુશ્કેલી પડતી હતી.
PM મોદીએ વધુમાં કહ્યું કે અમારી સરકારે દેશને આ વિચારધારાથી મુક્ત કર્યો છે એટલું જ નહીં આધુનિક ઈન્ફ્રાસ્ટ્રક્ચરમાં રેકોર્ડ રોકાણ પણ કરી રહી છે. અમે ઈન્ફ્રાસ્ટ્રક્ચર નિર્માણને દેશના અર્થતંત્રની પ્રેરક શક્તિ માનીએ છીએ. આ માર્ગે જ ચાલતાં ભારત 2047 સુધી વિક્સિત થવાનું લક્ષ્ય પ્રાપ્ત કરશે. ગતિશક્તિ નેશનલ માસ્ટર પ્લાન, ભારતના ઈન્ફ્રાસ્ટ્રક્ચરનું ભારતના મલ્ટિમોડેલ લોજિસ્ટિક્સનો કાયાકલ્પ કરવા જઈ રહ્યો છે. તે અર્થતંત્ર અને ઈન્ફ્રાસ્ટ્રક્ચર પ્લાનિંગને તેમજ વિકાસને એકીકૃત કરવાનું બહુ મોટું માધ્યમ છે.
આધારભૂત માળખું અને મૂડીરોકાણ પર બજેટ પછીના વેબીનારને સંબોધન કરતાં PM મોદીએ ઉમેર્યું કે આપણું સોશિયલ ઈન્ફ્રાસ્ટ્રક્ચર જેટલું મજબૂત હશે તેટલું જ પ્રતિભાશાળી અને કુશળ યુવાનો કામ કરવા માટે આગળ આવી શકશે. તેથી કૌશલ વિકાસ, પ્રોજેક્ટ મેનેજમેન્ટ અને ફાઈનાન્સિયલ એક્સપર્ટાઈઝ પર ભાર આપવો ખૂબ જ જરૂરી છે.
Advertisement