પશ્ચિમ બંગાળમાં આવેલા શાંતિનિકેતનને યુનેસ્કોની વર્લ્ડ હેરિટેજ યાદીમાં સામેલ કરવામાં આવ્યું છે. મહાન કવિ રવીન્દ્રનાથ ટાગોરે એક સદી પહેલા આ આશ્રમમાં વિશ્વ ભારતીની સ્થાપના કરી હતી. યુનેસ્કોએ સોશિયલ મીડિયા પ્લેટફોર્મ X પર એક પોસ્ટમાં તેની જાહેરાત કરી છે. આ જાહેરાત બાદ ટીએમસી અને ભાજપમાં તેનો શ્રેય લેવા માટે હરીફાઈ થઈ રહી છે.
Advertisement
Advertisement
પશ્ચિમ બંગાળના બીરભૂમ જિલ્લામાં આવેલા આ સાંસ્કૃતિક સ્થળને યુનેસ્કોની વર્લ્ડ હેરિટેજ યાદીમાં સામેલ કરવા માટે ભારત લાંબા સમયથી પ્રયાસ કરી રહ્યું હતું. આ યાદીમાં શાંતિનિકેતનનો સમાવેશ કરવાનો નિર્ણય સાઉદી અરેબિયામાં વર્લ્ડ હેરિટેજ કમિટીના 45મા સત્ર દરમિયાન લેવામાં આવ્યો છે.
થોડાં મહિના પહેલા ઇન્ટરનેશનલ કાઉન્સિલ ઓન મોન્યુમેન્ટ્સ એન્ડ સાઇટ્સે શાંતિનિકેતનને યુનેસ્કો વર્લ્ડ હેરિટેજ લિસ્ટમાં સામેલ કરવાની ભલામણ કરી હતી. ECOMOS એ ફ્રાંસ સ્થિત આંતરરાષ્ટ્રીય બિન-સરકારી સંસ્થા છે. આ સંસ્થામાં વ્યાવસાયિકો, નિષ્ણાતો, સ્થાનિક અધિકારીઓ, કંપનીઓ અને હેરિટેજ સંસ્થાઓના પ્રતિનિધિઓનો સમાવેશ થાય છે અને તે વિશ્વના સ્થાપત્ય અને હેરિટેજ સ્થળોના સંરક્ષણ અને પ્રચાર માટે કાર્ય કરે છે.
શ્રેય લેવા માટે સ્પર્ધા
યુનેસ્કોના વર્લ્ડ હેરિટેજ લિસ્ટમાં શાંતિનિકેતનના સમાવેશ પર મીડિયા સાથે વાત કરતા કેન્દ્રીય મંત્રી જી કિશન રેડ્ડીએ કહ્યું કે યુનેસ્કોએ મુખ્યત્વે આ સંરચનાને વર્લ્ડ હેરિટેજ સાઈટ તરીકે મંજૂરી આપી છે. યુનેસ્કોએ વડાપ્રધાનના જન્મદિવસ પર ભારતને આ ભેટ આપી છે. સંસ્કૃતિ મંત્રાલય વતી હું વડાપ્રધાન અને યુનેસ્કોનો આભાર માનું છું
બીજી તરફ પશ્ચિમ બંગાળના મુખ્યમંત્રી મમતા બેનર્જીએ પણ ખુશી વ્યક્ત કરી છે. તેમણે કહ્યું કે રાજ્ય સરકારે સતત 12 વર્ષથી શાંતિનિકેતનની માળખાકીય સુવિધામાં નોંધપાત્ર વધારો કર્યો છે અને વિશ્વ હવે આ હેરિટેજ સાઇટના મહિમાને ઓળખે છે. બંગાળ, ટાગોર અને તેમના ભાઈચારાના સંદેશાને પ્રેમ કરનારા તમામને અભિનંદન.
Advertisement