મધ્યપ્રદેશના સીધી જિલ્લામાં શિવરાજ સરકાર આદિવાસીઓ પર પેશાબ કરવાના મામલા બદલ ઘેરાઈ ગઈ છે. વિપક્ષના દબાણ બાદ હવે રાજ્ય સરકાર એક્શનમાં આવી છે. મધ્યપ્રદેશના ગૃહમંત્રી નરોત્તમ મિશ્રાએ મોટું નિવેદન આપ્યું છે. તેમણે કહ્યું કે આરોપી સામે NSA હેઠળ કાર્યવાહી કરવામાં આવશે અને તેના ઘર પર બુલડોઝર ચલાવી દેવામાં આવશે. આરોપીની ધરપકડ કરી લેવામાં આવી છે, કાયદેસરની કાર્યવાહી કરવામાં આવશે અને તેના પર NSA લગાવવામાં આવશે. કોંગ્રેસના કહેવા પર બુલડોઝર નહીં ચાલે, કાયદા મુજબ બુલડોઝર ચાલશે. અતિક્રમણ હશે તો બુલડોઝર ચલાવાશે.
Advertisement
Advertisement
નશામાં ધૂત માણસે બેઠેલા આદિવાસી યુવક પર પેશાબ કર્યો
તમને જણાવી દઈએ કે મધ્યપ્રદેશના સીધીમાં નશામાં ધૂત એક વ્યક્તિએ સીડી પર બેઠેલા એક આદિવાસી યુવક પર પેશાબ કર્યો હતો. એવું કહેવામાં આવી રહ્યું છે કે આરોપી વ્યક્તિ ભાજપના ધારાસભ્ય કેદાર શુક્લાનો પ્રતિનિધિ છે. આ મામલો સામે આવ્યા બાદ શાસક પક્ષ ભાજપ પર વિપક્ષ આક્રમક બન્યો છે. આ વીડિયો સોશિયલ મીડિયા પર ખૂબ ઝડપથી વાયરલ થઈ રહ્યો છે. તેને પગલે શિવરાજ સરકાર હરકતમાં આવી ગઈ છે.
કડક કાર્યવાહીનો સીએમ શિવરાજનો આદેશ
આદિવાસી યુવક પર પેશાબ કરનાર યુવક બીજેપી ધારાસભ્ય કેદાર શુક્લાના પ્રતિનિધિ પ્રવેશ શુક્લા હોવાનું કહેવાય છે. જે આદિવાસી વ્યક્તિ પર પેશાબ કરવામાં આવ્યો હતો તેનું નામ પાલે કોલ જણાવવામાં આવી રહ્યું છે. તે સિધી જિલ્લાના કરોંદી ગામનો રહેવાસી છે. જો કે, મામલો ગરમાયા બાદ ભાજપના ધારાસભ્ય કેદાર શુક્લાએ કહ્યું કે પ્રવેશ તેમનો પ્રતિનિધિ નથી. મુખ્યમંત્રી શિવરાજ સિંહ ચૌહાણે જિલ્લામાં વાયરલ થયેલા વીડિયોની નોંધ લીધી છે. તેમણે કહ્યું કે તેણે માનવતાને કલંકિત કરી છે. આવા ગુના માટે આકરી સજા, આકરામાં આકરી શબ્દ પણ ઓછી છે. મેં સૂચના આપી છે કે તેને આકરામાં આકરી સજા થવી જોઈએ, કડકમાં કડક કાર્યવાહી થવી જોઈએ, દાખલો બેસે એવી કાર્યવાહી. ગુનેગારની કોઈ જાતિ, ધર્મ કે પક્ષ હોતો નથી, ગુનેગાર માત્ર ગુનેગાર હોય છે, તેને સજા થશે.
રાત્રે 2 વાગ્યે કરાઈ ધરપકડ
સીધી પોલીસે જણાવ્યું કે મોડી રાત્રે 2 વાગ્યે પ્રવેશ શુક્લાની ધરપકડ કરવામાં આવી હતી. પોલીસ સ્ટેશનમાં તેની પૂછપરછ કરવામાં આવી રહી છે. તેની સાથે જ તેની સામે SC-ST એક્ટ હેઠળ પણ કેસ નોંધવામાં આવ્યો છે. પીડિતના પરિવાર તરફથી કોઈ એફઆઈઆર નોંધાવવામાં આવી નથી. ચૂંટણી વર્ષમાં કોંગ્રેસે આ મુદ્દે ભાજપને ઘેરી છે. તેને પગલે ભાજપ ડેમેજ કંટ્રોલમાં લાગી ગઈ છે.
Advertisement