કેરળના કોઝિકોડમાં નિપાહ વાયરસના કેસો સામે આવ્યા બાદ ભયનું વાતાવરણ છે. નિપાહ વાયરસને ધ્યાનમાં રાખીને, કોઝિકોડમાં શાળાઓ અને શૈક્ષણિક સંસ્થાઓને 24 સપ્ટેમ્બર એટલે કે આગામી રવિવાર સુધી બંધ રાખવાનો નિર્ણય લેવામાં આવ્યો છે. જિલ્લા વહીવટીતંત્રનું કહેવું છે કે શાળાઓ, પ્રોફેશનલ કોલેજો અને ટ્યુશન સેન્ટરો આગામી સપ્તાહ સુધી ઓનલાઈન વર્ગો ચલાવી શકશે.
Advertisement
Advertisement
સંક્રમિત દર્દીઓના સંપર્કમાં આવતા લોકોની સંખ્યા વધી
આરોગ્ય મંત્રીએ ગઈકાલે કહ્યું હતું કે નિપાહ વાયરસથી સંક્રમિત દર્દીઓના સંપર્કમાં આવેલા લોકોની સંખ્યા 1080 પર પહોંચી ગઈ છે, જેમાંથી 327 આરોગ્ય કર્મચારીઓ છે. આ ઉપરાંત, અન્ય જિલ્લાઓમાં કુલ 29 લોકો નિપાહ વાયરસથી સંક્રમિત લોકોની યાદીમાં છે, જેમાં મલપ્પુરમના 22 અને વાયનાડના એક જ્યારે કન્નુર અને ત્રિશૂરના ત્રણ-ત્રણ લોકોનો સમાવેશ થાય છે.
વાયરસને ફેલાતો રોકવાના પ્રયાસો
કેરળના કોઝિકોડમાં નિપાહ વાયરસના કારણે બે લોકોના મોત બાદ અન્ય ત્રણ જિલ્લા કન્નુર, વાયનાડ અને મલપ્પુરમમાં એલર્ટ જાહેર કરવામાં આવ્યું છે. આ સિવાય વાયરસને ફેલાતો રોકવા માટે અહીંની 7 ગ્રામ પંચાયતોને કન્ટેઈનમેન્ટ ઝોન બનાવવામાં આવી છે. કન્ટેઈનમેન્ટ ઝોનના વિસ્તારો અને હોસ્પિટલોમાં માસ્ક ફરજિયાત કરવામાં આવ્યા છે. અહેવાલ મુજબ, કોઝિકોડ જિલ્લા મેજિસ્ટ્રેટે 7 પંચાયતોમાં તમામ શૈક્ષણિક સંસ્થાઓ, આંગણવાડી કેન્દ્રો, બેંકો અને સરકારી સંસ્થાઓને બંધ કરવાનો આદેશ આપ્યો છે. માત્ર દવાઓ અને આવશ્યક ચીજવસ્તુઓનું વેચાણ કરતી દુકાનોને સવારે 7 થી સાંજના 5 વાગ્યા સુધી ખોલવાની મંજૂરી છે.
ઉલ્લેખનીય છે કે કેરળમાં નિપાહ વાયરસના કારણે પ્રથમ મૃત્યુ 30 ઓગસ્ટે અને બીજું મૃત્યુ 11 સપ્ટેમ્બરના રોજ થયું હતું. સ્વાસ્થ્ય મંત્રીના જણાવ્યા અનુસાર, બંને મૃતકોના સેમ્પલ પુણેના નેશનલ ઈન્સ્ટિટ્યૂટ ઓફ વાયરોલોજીમાં પરીક્ષણ માટે મોકલવામાં આવ્યા છે. તેમણે અન્ય બે દર્દીઓની પણ પુષ્ટિ કરી છે. જેમાં 9 વર્ષીય બાળક અને 24 વર્ષીય યુવકનો સમાવેશ થાય છે, બંનેની સારવાર ચાલી રહી છે. નિપાહ વાયરસે કેરળમાં ભયનું વાતાવરણ સર્જ્યું છે
Advertisement