ગાંધીનગર: ગુજરાત વિધાનસભા ચૂંટણીમાં ભાજપે તમામ રેકોર્ડ તોડતા 156 બેઠક પર જીત મેળવી છે. નવી ભાજપ સરકારનો શપથ ગ્રહણ સમારંભ 12 ડિસેમ્બરે યોજાશે. મળતી જાણકારી અનુસાર કેટલાક જૂના મંત્રીઓને નવી સરકારના મંત્રી મંડળમાં સામેલ કરવામાં આવશે. આ સિવાય કેટલાક નવા ચહેરાને પણ જગ્યા આપવાની ચર્ચા ચાલી રહી છે. નવી કેબિનેટમાં બ્રાહ્મણ, ઓબીસી અને આદિવાસી ચહેરાને વધુ જગ્યા મળવાની શક્યતા છે.
Advertisement
Advertisement
પ્રદ્યુમન સિંહ જાડેજા અથવા વીરેન્દ્રસિંહ જાડેજા બન્ને ક્ષત્રિય નેતા છે અને ક્ષત્રિય સમુદાય પર તેમની સારી પકડ છે, સાથે જ બન્ને સીનિયર ધારાસભ્ય છે, માટે તેમાંથી કોઇ એકને મંત્રી પદ મળવાની સંભાવના છે. આ સિવાય બનાસકાંઠા જિલ્લામાં ચૌધરી સમાજનું નેતૃત્વ કરનારા શંકર ચૌધરીને કેબિનેટમાં જગ્યા આપવામાં આવી શકે છે કારણ કે તે પહેલા પણ મંત્રી રહી ચુક્યા છે. અમિત શાહે ચૂંટણી પ્રચાર દરમિયાન સાર્વજનિક રીતે સંકેત આપ્યો હતો કે શંકર ચૌધરીને નવી સરકારમાં મોટુ સ્થાન આપવામાં આવશે.
આ સિવાય ઓબીસી સમાજના દિયોદરના કેસાજી ચૌહાણ, કાંકરેજના કીર્તિસિંહ વાઘેલા, સિદ્ધપુરના બળવંત સિંહ રાજપૂતને પણ મોટી જવાબદારી સોપવામાં આવી શકે છે. આ સિવાય રાજકોટના ઉદય કાનગડ અને અમદાવાદના નીકોલ બેઠકના ધારાસભ્ય જગદીશ પંચાલ પણ મંત્રી મંડળમાં સામેલ થઇ શકે છે. જગદીશ પંચાલ સરકારમાં મંત્રી રહી ચુક્યા છે અને અધિકારીઓ પર તેમની સારી પકડ છે. આ સિવાય જસદણના કુંવરજી બાવળિયાને પણ મંત્રી મંડળમાં જગ્યા આપવામાં આવી શકે છે. ગાંધીનગર દક્ષિણ વિધાનસભા બેઠક પરથી જીતેલા અલ્પેશ ઠાકોરને પણ મંત્રી પદમાં સ્થાન મળી શકે છે.
પાટીદાર ચહેરાની વાત કરવામાં આવે તો વીસનગરથી જીતેલા રિષિકેશ પટેલ, મોરબીથી કાંતિ અમૃતિયા, અમરેલીના કૌશિક વેકરિયા અથવા પછી મહેશ કસવાલા, ભાવનગરના જીતૂ વાઘાણી, વડોદરાના યોગેશ પટેલ અને જેતપુરથી જીતેલા જયેશ રાદડિયા અને નડિયાના પંકજ પટેલને પણ ભૂપેન્દ્ર સરકારના મંત્રી મંડળમાં જગ્યા મળી શકે છે.
આ પણ વાંચો: અમિત શાહે કેવી રીતે કોંગ્રેસને કોંગ્રેસીઓ સાથે જ લડાવ્યા, ભાજપે બનાવી નાખ્યો જીતનો રેકોર્ડ
નવા મંત્રી મંડળમાં 25 નેતાઓનો સમાવેશ થઇ શકે
ભૂપેન્દ્ર સરકારની નવી કેબિનેટમાં 25 નેતાઓનો સમાવેશ કરવામાં આવી શકે છે. 11 કેબિનેટ અને 14 રાજ્યકક્ષાના મંત્રી શપથ લઇ શકે છે.
સંભવિત કેબિનેટ મંત્રી: રિષિકેશ પટેલ, પૂર્ણેશ મોદી, શંકર ચૌધરી, રાઘવજી પટેલ, કનુ દેસાઇ, કિરીટસિંહ રાણા, ગણપત વસાવા, જયેશ રાદડિયા, કુંવરજી બાવળિયા, જીતૂ વાઘાણી, શંભુનાથ ટુંડિયા
સંભવિત રાજ્યકક્ષાના મંત્રી: હર્ષ સંઘવી, અમિત ઠાકર, જગદીશ વિશ્વકર્મા, અલ્પેશ ઠાકોર, આર.સી.પટેલ, જે.વી. કાકડીયા, અક્ષય પટેલ, રીવાબા જાડેજા, માલતી મહેશ્વરી, શૈલેષ ભાભોર, દર્શના દેશમુખ, બચુ ખાબડ, ભરત પટેલ
Advertisement