લોકસભા 2024: કોંગ્રેસ માટે ચિંતાજનક સમાચાર! AAP નેતાએ કહ્યું- દરેક રાજ્યમાં લડશે ચૂંટણી

દિલ્હી અને પંજાબમાં જીત મેળવ્યા બાદ આમ આદમી પાર્ટી હવે લોકસભાની ચૂંટણી પણ લડવાની તૈયારી કરી રહી છે. પાર્ટી તમામ 543 સીટો પર ચૂંટણી લડશે. જે રાજ્યોમાં AAPની હાલ હાજરી નથી અને તેની કેડર પણ નથી ત્યાં પણ તે ચૂંટણી લડવાની પુરજોશથી તૈયારી કરી રહી છે. પાર્ટીના એક વરિષ્ઠ નેતાએ કહ્યું કે જો પાર્ટી મેદાનમાં નહીં ઉતરે તો લોકોને તેના વિશે કેવી રીતે ખબર પડશે.

તેમણે કહ્યું, “અમે તમામ બેઠકો પર લોકસભા ચૂંટણી લડવાની તૈયારી કરી રહ્યા છીએ. અમે તે બેઠકો પર પણ લડીશું, જે અમારી કેડર નથી, જ્યાં અમારી જીતની કોઈ આશા નથી, અમે ત્યાં પણ લડીશું જેથી લોકો આમ આદમી પાર્ટીને ઓળખે. જો કે હાલમાં પાર્ટી પાસે ચૂંટણી કેવી રીતે લડવી, શું કરવું તે અંગે કોઈ રણનીતિ નથી. પરંતુ હા પાર્ટી લોકસભાની તમામ બેઠકો પર ચૂંટણી લડશે.

આમ આદમી પાર્ટી લોકસભા ચૂંટણી લડશે પરંતુ તે કોઈની સાથે હાથ મિલાવશે કે એકલા ચૂંટણી લડશે તે અંગે કોઈ માહિતી સામે આવી નથી. તેમણે કહ્યું, “અમે જાણીએ છીએ કે AAP હજુ પણ ઘણા રાજ્યોમાં એક નવો પક્ષ છે, પરંતુ IAS અધિકારી બનતા પહેલા, તમારે પ્રિલિમ, મેન્સ અને પછી ઇન્ટરવ્યુ ક્લિયર કરવું પડે છે. પાર્ટીને પંજાબની તમામ સીટો જીતવાનો વિશ્વાસ છે કારણ કે જો આપણે જલંધર જીતી શકીએ તો તમામ 13 સીટો જીતી શકીશું. ગુજરાત અને રાજસ્થાનમાં પણ AAPને વિશ્વાસ છે કે તે 2-3 બેઠકો જીતશે.

પાર્ટી એ પણ માને છે કે તે મધ્યપ્રદેશમાં પણ સારું પ્રદર્શન કરી રહી છે. તેમણે કહ્યું કે પાર્ટી રાજ્યના ગ્વાલિયર અને રીવામાં સારું કામ કરી રહી છે, તેથી તેને અહીં વધુ સીટો મળવાની આશા છે. જો કે, પાર્ટીને ખાતરી નથી કે તે તેના હોમ ટર્ફ દિલ્હીમાં કેટલી સીટો જીતી શકશે. તેમણે કહ્યું, “અહીંની વાર્તા અલગ છે. અહીંના લોકો વિધાનસભાની ચૂંટણીમાં AAP અને લોકસભાની ચૂંટણીમાં ભાજપને મત આપે છે, પરંતુ આ વખતે પાર્ટી ચોક્કસપણે સાત બેઠકો જીતશે.

આમ આદમી પાર્ટીએ તાજેતરમાં પંજાબની જલંધર લોકસભા સીટની પેટાચૂંટણીમાં જીત મેળવી છે. કોંગ્રેસના સાંસદના અવસાન બાદ આ બેઠક ખાલી પડી હતી, જેના માટે આ મહિને પેટાચૂંટણી યોજાઈ હતી અને AAPના સુશીલ કુમાર રિંકુ જીત્યા હતા. દિલ્હીમાં અધિકારીઓની પોસ્ટિંગ અને ટ્રાન્સફરને લઈને કેન્દ્ર અને AAP વચ્ચે મતભેદ છે. કેન્દ્ર સરકારે વહીવટી સેવાઓ પર નિયંત્રણ લાવવા માટે વટહુકમ લાવ્યો છે. અરવિંદ કેજરીવાલ તેને નિષ્ફળ બનાવવા માટે વિપક્ષી પાર્ટીઓનું સમર્થન માંગી રહ્યા છે. આ અંતર્ગત તેમણે અનેક રાજ્યોના સીએમ અને વિપક્ષી પાર્ટીઓના વડાઓ સાથે બેઠક પણ કરી છે.