જમ્મુ અને કાશ્મીરમાં કલમ 370 હટાવવાની ચોથી વરસી પર, રાજ્યમાં કાયદો અને વ્યવસ્થા જાળવી રાખવા માટે સુરક્ષા વ્યવસ્થા કડક બનાવવામાં આવી છે. દરમિયાન પીડીપીના વડા અને પૂર્વ મુખ્યમંત્રી મહેબૂબા મુફ્તીએ દાવો કર્યો છે કે તેમની સાથે અન્ય ઘણાં નેતાઓને પણ નજરકેદ કરવામાં આવ્યા છે. તેમણે ટ્વીટ કર્યું, ‘અમને પીડીપીના અન્ય વરિષ્ઠ નેતાઓ સાથે નજરકેદ કરવામાં આવ્યા છે. પોલીસે રાત્રે દરોડા પાડી અમારા અનેક આગેવાનોને પોલીસ સ્ટેશનમાં બંધ કરી દીધા હતા. જમ્મુ-કાશ્મીરમાં સ્થિતિ સામાન્ય થઈ ગઈ હોવાનો ભારત સરકાર દ્વારા સુપ્રીમ કોર્ટમાં કરવામાં આવેલો દાવો ખોટો છે.
Advertisement
Advertisement
મહેબૂબા મુફ્તીએ ટ્વીટ સાથે બે તસવીરો પણ શેર કરી
ટ્વીટની સાથે મહેબૂબા મુફ્તીએ બે તસવીરો પણ શેર કરી છે જેમાં ગેટ પર તાળું લગાવેલું જોઈ શકાય છે. મહેબૂબા મુફ્તીની પાર્ટી પીડીપીએ આ પ્રસંગે સેમિનારનું આયોજન કરવાની મંજૂરી માંગી હતી. જોકે, વહીવટીતંત્રે તેમને પરવાનગી આપવાનો ઇનકાર કર્યો હતો. મુફ્તીએ ટ્વીટમાં વધુમાં કહ્યું કે, એક તરફ શ્રીનગરમાં વિશાળ હોર્ડિંગ્સ લગાવીને લોકોને ઉજવણી કરવાનું કહેવામાં આવી રહ્યું છે, તો બીજી તરફ લોકોની વાસ્તવિક લાગણીઓને બળજબરીથી દબાવવામાં આવી રહી છે. સુપ્રીમ કોર્ટ આ અંગે સંજ્ઞાન લેશે અને આગામી દિવસોમાં સુનાવણી દરમિયાન તેને ધ્યાનમાં રાખશે એવી અપેક્ષા છે.
પીડીપીને કાર્યક્રમના આયોજનની પરવાનગી ન મળી
પીડીપીનો દાવો છે કે તે જમ્મુ-કાશ્મીરમાંથી કલમ 370 હટાવવાની ચોથી વર્ષગાંઠ પર તે એક કાર્યક્રમનું આયોજન કરવા માંગતી હતી, પરંતુ પ્રશાસને તેને મંજૂરી આપી ન હતી. 5 ઓગસ્ટ 2019ના રોજ જમ્મુ-કાશ્મીરમાંથી કલમ 370 હટાવવામાં આવી હતી. આ પછી સરકારનો દાવો છે કે રાજ્યમાં આતંકવાદી પ્રવૃત્તિઓમાં ઘટાડો થયો છે અને સ્થિતિ સામાન્ય છે. આ સમયે, સુપ્રીમ કોર્ટ કલમ 370 હટાવવા વિરુદ્ધની અરજીઓ પર સુનાવણી પણ કરી રહી છે.
Advertisement