ગાંધીનગર: પંચાયત સેવા પસંદગી મંડળે જુનિયર ક્લાર્કની પરીક્ષા 9 એપ્રિલે યોજાઇ શકે છે. IPS અધિકારી હસમુખ પટેલે જિલ્લામાં પરીક્ષા કેન્દ્રોની માહિતી મંગાવી છે. મહત્વપૂર્ણ છે કે જુનિયર ક્લાર્કની પરીક્ષાનું પેપર લીક થતા તેને રદ કરવામાં આવી હતી. જુનિયર ક્લાર્કની પરીક્ષા માટે 9.53 લાખ ઉમેદવારોએ ફોર્મ ભર્યા હતા.
Advertisement
Advertisement
IPS હસમુખ પટેલનું ટ્વીટ
IPS અધિકારી હસમુખ પટેલે ટ્વીટ કરીને લખ્યુ કે, “પંચાયત સેવા પસંદગી બોર્ડ જુનિયર ક્લાર્કની લેખિત પરીક્ષા 9 એપ્રિલના રોજ લેવા માંગે છે, ત્યારે પૂરતા પરીક્ષા કેન્દ્રો ઉપલબ્ધ છે કે કેમ તેની વિગતો જિલ્લાઓ પાસેથી મંગાવવામાં આવેલ છે. વિગતો ઉપલબ્ધ થયા બાદ તારીખ જાહેર કરવામાં આવશે.
પંચાયત સેવા પસંદગી બોર્ડ જુનિયર ક્લાર્કની લેખિત પરીક્ષા 9 એપ્રિલના રોજ લેવા માંગે છે. ત્યારે પૂરતા પરીક્ષા કેન્દ્રો ઉપલબ્ધ છે કે કેમ તેની વિગતો જિલ્લાઓ પાસેથી મંગાવવામાં આવેલ છે. વિગતો ઉપલબ્ધ થયા બાદ તારીખ જાહેર કરવામાં આવશે.
— Hasmukh Patel (@Hasmukhpatelips) February 15, 2023
પરીક્ષાનું પેપર લીક થતા પરીક્ષાને રદ કરવામાં આવી હતી
જુનિયર ક્લાર્ક પેપર લીક થતા ગુજરાત ATS દ્વારા આરોપીઓની ધરપકડ કરવામાં આવી હતી અને રિમાન્ડ પર મોકલવામાં આવ્યા હતા.
આ રીતે પકડાયા હતા આરોપી
મહત્વપૂર્ણ છે કે પોલીસને જાણકારી મળી હતી કે એક વ્યક્તિ પાસે જુનિયર ક્લાર્કની પરીક્ષાનું પેપર છે, જે બાદ પોલીસે તેની ધરપકડ કરી હતી. આ સાથે જ પરીક્ષાર્થીઓના હિતને ધ્યાનમાં રાખતા પરીક્ષાને રદ કરવામાં આવી હતી.
1181 પદ પર થશે ભરતી
જુનિયર ક્લાર્ક (વહીવટ/હિસાબ) વર્ગ-3માં 1181 પદ ભરવામાં આવશે. 5 વર્ષ સુધી 19950 ફિક્સ પગારધોરણ નક્કી કરવામાં આવ્યો છે. 1181 પદ માટે 9.53 લાખ ઉમેદવારોએ ફોર્મ ભર્યા હતા.
Advertisement