અમદાવાદ: અમદાવાદ મોલમાં બજરંગ દળ દ્વારા શાહરૂખ ખાનની ફિલ્મ પઠાણનો વિરોધ કરવામાં આવ્યો છે. બજરંગ દળે વિરોધ કરતા જ મોલમાં આવેલા લોકો ડરી ગયા હતા. બજરંગ દળે અમદાવાદ મોલમાં આવેલા થિયેટરમાં પઠાણના પોસ્ટર ફાડી નાખ્યા હતા અને જય શ્રી રામના નારા લગાવ્યા હતા.
Advertisement
Advertisement
શાહરૂખ ખાન-દીપિકા પાદુકોણની ફિલ્મ પઠાણનો અમદાવાદના વસ્ત્રાપુરમાં આવેલા અમદાવાદ મોલમાં બજરંગ દળ દ્વારા વિરોધ કરવામાં આવ્યો હતો.
લવ જેહાદને ભાર આપનારી ફિલ્મ
વિરોધ-પ્રદર્શન દરમિયાન બજરંગ દળના કાર્યકર્તાઓએ ફિલ્મ પઠાણને રિલીઝ ના કરવાની ચેતવણી પણ આપી છે. મૉલમાં હંગામા બાદ ત્યા હાજર લોકો ડરેલા જોવા મળ્યા હતા. બજરંગ દળના અધ્યક્ષ જ્વલિત મહેતાએ કહ્યુ કે દીપિકા પાદુકોણે જે કપડા પહેર્યા છે, અમે તેનો વિરોધ કરીએ છીએ, તેમણે કહ્યુ કે પઠાણ ફિલ્મ લવ જેહાદને ભાર આપનારી ફિલ્મ છે, માટે અમે તેને રિલીઝ થવા નહી દઇએ.
25 જાન્યુઆરીએ રીલિઝ થશે ફિલ્મ
શાહરૂખ ખાન અને દીપિકા પાદુકોણ અભિનીત પઠાણ ફિલ્મ 25 જાન્યુઆરીએ થિયેટરમાં રીલિઝ થશે. આ ફિલ્મનું ટ્રેલર 10 જાન્યુઆરી રીલિઝ કરાશે. આ ફિલ્મમાં બેશરમ રંગમાં દીપિકા પાદુકોણે ભગવા કલરની બિકિની પહેરી હોવાથી કેટલાક લોકોની લાગણી દુભાઇ છે જેને કારણે આ ફિલ્મનો ઠેર ઠેર વિરોધ થઇ રહ્યો છે.
Advertisement