VIDEO…જ્યારે ગૃહમંત્રી અમિત શાહે હરિયાણાના મંત્રીને 8 મિનિટના ભાષણમાં 4 વખત ટોક્યા

નવી દિલ્હી: કેન્દ્રીય ગૃહમંત્રી અમિત શાહે હરિયાણાના ગૃહમંત્રી અનિલ વિજને બધાની સામે ફટકાર લગાવવાનો મામલો સામે આવ્યો છે. પ્રાપ્ત માહિતી અનુસાર, અમિત શાહે અનિલ વિજને નિર્ધારિત સમય કરતા લાંબુ ભાષણ આપવા બદલ ઠોક્યા હતા. આ મામલો હરિયાણાના સૂરજકુંડમાં આયોજિત ચિંતન શિવર સાથે જોડાયેલો છે. આ શિબિરમાં અમિત શાહ સહિત ભાજપના અનેક વરિષ્ઠ નેતાઓ અને ભાજપ શાસિત રાજ્યોના અનેક મુખ્યમંત્રીઓએ પણ ભાગ લીધો હતો.અમિત શાહે તેમના સાડા આઠ મિનિટના ભાષણ દરમિયાન વિજને ચાર વખત અટકાવ્યા હતા. જણાવી દઈએ કે અનિલ વિજને તેમનું ભાષણ પૂરું કરવા માટે પાંચ મિનિટનો સમય આપવામાં આવ્યો હતો પરંતુ પાંચ મિનિટ પછી પણ તેઓ રોકાયા ન હતા.

કાર્યક્રમ મુજબ પહેલા અનિલ વિજે સ્વાગત પ્રવચન આપવાનું હતું, ત્યારબાદ રાજ્યના મુખ્યમંત્રી મનોહર લાલ ખટ્ટર મુખ્ય મુદ્દાઓ પર વાત કરવાના હતા, આ બંને નેતાઓના ભાષણ પછી ગૃહમંત્રી અમિત શાહ તેમનું ભાષણ આપવાના હતા.

એવી અપેક્ષા હતી કે વિજ આ કાર્યક્રમમાં ભાગ લેવા બદલ અમિત શાહનો આભાર વ્યક્ત કરશે અને તેમનું ભાષણ પૂરું કરશે. પરંતુ ભાષણની મધ્યમાં વિજે હરિયાણાનો ઈતિહાસ, હરિત ક્રાંતિમાં તેનું યોગદાન, ઓલિમ્પિકમાં રાજ્યનું પ્રદર્શન અને રાજ્ય સરકાર દ્વારા બનાવવામાં આવેલ સ્પોર્ટ્સ ઈન્ફ્રાસ્ટ્રક્ચર જેવા મુદ્દાઓ વિશે વાત કરવાનું શરૂ કર્યું.

#Haryana के गृह मंत्री #AnilVij देश के गृह मंत्री #AmitShah के साथ चल रही बैठक में दे रहे थे लंबा-चौड़ा भाषण। इस बीच शाह ने उनके भाषण को बीच में रोकते हुए कह दी ये बात। पूरा मामला जानने के लिए देखें वीडियो। pic.twitter.com/yxv9MjHJgg

— I.khan S.P.(प्रदेश सचिव अल्पसंख्यक सभा) (@islamkhan919) October 28, 2022

અમિત શાહ અનિલ વિજથી થોડે દૂર બેઠા હતા. તેથી પહેલા તો તેણે તેને ભાષણ પૂરું કરવાનો સંકેત આપ્યો, પરંતુ જ્યારે તે હજુ પણ અટક્યા નહીં, ત્યારે શાહે આખરે તેને એક પરચી મોકલી. જેમાં તેમને તાકીદ કરવામાં આવી હતી કે તેઓ તેમનું ભાષણ જલ્દી પૂરું કરે. પરંતુ આ પછી પણ વિજ ન રોકાયા તો અમિત શાહે માઈક ચાલુ કર્યું અને એક-બે વાર તેમને ઠક-ઠકનો અવાજ કરીને વિજને ભાષણ પૂરું કરવાનો સંકેત પણ આપ્યો. પરંતુ આ બધા પછી પણ વિજ ભાષણો આપતા રહ્યા.

આખરે અમિત શાહે કહ્યું કે અનિલ જી, તમને માત્ર પાંચ મિનિટનો સમય આપવામાં આવ્યો હતો. પણ તમે અત્યાર સુધી સાડા આઠ મિનિટથી વધુ બોલ્યા છો. હવે જલ્દીથી તમારું ભાષણ પૂરું કરો. આ તે જગ્યા નથી જ્યાં તમારે આટલું લાંબુ ભાષણ આપવું જોઈએ.