દિગ્ગજ અભિનેતા અને ડિરેક્ટર સતીસ કૌશિકનું નિધન

બોલીવૂડના દિગ્ગજ અભિનેતા, ડિરેક્ટર અને પટકથા લેખક અને એક સમયના કોમેડી કિંગ એવા સતીષ કૌશિકનું ગુરુવારે વહેલી સવારે 67 વર્ષની વયે અચાનક અવસાન થયું છે. તેમના અચાનક અવસાન પાછળના ચોક્કસ કારણની વિગતોની હજુ રાહ જોવાઈ રહી છે. પરંતુ સોશિયલ મીડિયા પર તેમના ફિલ્મ ઇન્ડસ્ટ્રીના મિત્રો તથા ચાહકોમાં આઘાત અને શોકનું મોજું ફરી વળ્યું છે.

जानता हूँ “मृत्यु ही इस दुनिया का अंतिम सच है!” पर ये बात मैं जीते जी कभी अपने जिगरी दोस्त #SatishKaushik के बारे में लिखूँगा, ये मैंने सपने में भी नहीं सोचा था।45 साल की दोस्ती पर ऐसे अचानक पूर्णविराम !! Life will NEVER be the same without you SATISH ! ओम् शांति! 💔💔💔 pic.twitter.com/WC5Yutwvqc

— Anupam Kher (@AnupamPKher) March 8, 2023

પાછલાં 45 વર્ષથી તેમના મિત્ર રહેલા એક્ટર અનુપમ ખેરે આ સમાચાર આપતાં હિન્દીમાં ટ્વીટ કરતાં લખ્યું કે, ‘હું જાણું છું કે મૃત્યુ જ જીવનનું પરમ સત્ય છે, પરંતુ મારા જિગરી દોસ્ત સતીષ કૌશિક વિશે આવું લખીશ એ ક્યારેય સપનામાં પણ વિચાર્યું નહોતું. 45 વર્ષની મૈત્રી પર અચાનક આ રીતે પૂર્ણવિરામ. તારા વિનાનું જીવન હવે ક્યારેય પહેલાં જેવું નહીં હોય. ઓમ શાંતિ.’

હજુ બે દિવસ પહેલાં જ જાવેદ અખ્તરના ઘરે હર્ષોલ્લાસ ભેર હોળી ઉજવી તેની તસવીરો તેમણે સોશિયલ મીડિયા પર શૅર કરી હતી. ત્યાં આ દુઃખદ સમાચાર સામે આવ્યા છે.

Colourful Happy Fun #Holi party at Janki Kutir Juhu by @Javedakhtarjadu @babaazmi @AzmiShabana @tanviazmi.. met the newly wed beautiful couple @alifazal9 @RichaChadha.. wishing Happy Holi to everyone 🌹🌹🌹🌺🌺🌺🌺 #friendship #festival #Holi2023 #colors pic.twitter.com/pa6MqUKdku

— satish kaushik (@satishkaushik2) March 7, 2023

સતીશ કૌશિક બોલિવૂડના પ્રખ્યાત અભિનેતા, કોમેડિયન, સ્ક્રિપ્ટ રાઈટર, ડિરેક્ટર અને પ્રોડ્યુસર હતા. એક ફિલ્મ અભિનેતા તરીકે સતીશ કૌશિકને 1987માં આવેલી ફિલ્મ ‘મિસ્ટર ઈન્ડિયા’થી ઓળખ મળી હતી.