Gujarat Exclusive > આપણી જરૂરિયાત > વ્યાપાર > Festive Sale: ઑનલાઈન શૉપિંગમાં કેશબેક, રિવોર્ડ પૉઈન્ટ, No Cost EMIનું સમજો ગણિત

Festive Sale: ઑનલાઈન શૉપિંગમાં કેશબેક, રિવોર્ડ પૉઈન્ટ, No Cost EMIનું સમજો ગણિત

0
199
  • તહેવારોની સિઝનમાં ઓનલાઈન શૉપિંગ કરતાં પહેલા ધ્યાન આપો, નહીં તો પસ્તાશો
  • ઑફર્સ પર રહો એલર્ટ, જાણી લો તેમાં છૂપાયેલી શરતો

Festive Season Offer Online: ફેસ્ટિવલ સિઝનને જોતા જ અમેઝન, મિંત્રા, પેટીએમ મૉલ અને ફ્લિપકાર્ટના ફેસ્ટિવ સેલ શરૂ થઈ ચૂક્યાં છે. આ સેલમાં (Festive Sale) કપડાથી લઈને હોમ એપ્લાયન્સિસને સારા એવા ડિસ્કાઉન્ટ સાથે સસ્તી કિંમતો પર ખરીદી શકાય છે. આ સેલમાં ખરીદી કરવા પર ગ્રાહકોને છૂટ મળવા સાથે જ કેશબેંક, રિવોર્ડ પોઈન્ટની સુવિધા આપવામાં આવે છે.

આ સિવાય એક ફંડા No Cost EMI પર ખરીદીનો પણ રહે છે. જો તમે પણ આ ફેસ્ટિવ સિઝન સેલમાં (Festive Sale) ખરીદી કરવાનું વિચારી રહ્યાં હોય તો, પહેલા જાણી લો કેશબેંક, રિવોર્ડ પૉઈન્ટ અને નો કૉસ્ટ ઈએમઆઈ વિશે…

કેશ બેક

કેશબેકનો ફંડા એવો છે કે, ગ્રાહકે ખરીદી કરી લીધા બાત તેણે જે પેમેન્ટ કર્યું છે, તેમાંથી ચોક્કસ રકમ ગ્રાહકને પરત મળી જાય છે. આ રીતે તે છૂટથી થોડી અલગ છે, કારણ કે છૂટ ગ્રાહકને પેમેન્ટ પહેલા જ મળી જાય છે. ફેસ્ટિવ સેલમાં (Festive Sale) પસંદગીના મોબાઈલ વૉલેટ્સ કે બેંક કાર્ડ મારફતે પ્રોડક્ટ ખરીદવા પર કેશબેક મળે છે.

જો કેશબેક ઈન્સ્ટન્ટ છે, તો તેને તરત જ ગ્રાહ કના વૉલેટ કે તેના લિંક બેંક એકાઉન્ટમાં ક્રેડિટ કરી દેવામાં આવે છે. જો ઈન્સ્ટન્ટ કેશબેક નથી, તો તેના ક્રેડિટ થવા માટે 24 થી 48 કલાકનો સમય નક્કી કરવામાં આવે છે. એટલે કે, આ સમયગાળાની અંદર તમારી પાસે કેશબેક આવી જાય છે.

અનેક વખત કંપનીઓ કેશબેક માટે એક ચોક્કસ રકમ નક્કી કરે છે. એટલે કે, (Festive Season Offer Online) તેનાથી ઓછી ખરીદી કરવા પર કેશબેક નથી મળતું. એવામાં કેશબેક મેળવવા માટે ગ્રાહકે ઓછામાં ઓછું તે ચોક્કસ રકમ સુધી ખરીદી કરવી પડે છે.

અહીં એ વાતનું પણ ધ્યાન રાખો કે, જો કોઈ પ્રોડક્ટની કિંમત સેલમાં (Festive Sale) પહેલાની તુલનામાં વધી ચૂકી છે અને તેના પછી જ કેશબેક આપવામાં આવી રહી છે. આમ આ અસલી છૂટ તો નથી જ.

રિવૉર્ડ પૉઈન્ટ
અનેક વખત સેલમાં કસ્ટમર્સને કેશબેકની જગ્યાએ રિવૉર્ડ પૉઈન્ટ (Festive Season Offer Online) આપવામાં આવે છે. જેમ કે દર 100 રૂપિયાના પેમેન્ટ પર 1 રિવૉર્ડ પૉઈન્ટ અને 1 રિવૉર્ડ પૉઈન્ટનો અર્થ એક રૂપિયો. એટલે કે, રિવૉર્ડ પૉઈન્ટ એક પ્રકારનું કેશબેક જ છે, પરંતુ આમાં એટલો ફર્ક હોય છે કે, તેને આગામી ખરીદી સમયે વાપરી શકાય છે. એક પ્રકારે રિવૉર્ડ પૉઈન્ટ મારફતે કસ્ટરમને ફરીથી ખરીદી કરવા માટે પ્રોત્સાહિત કરવામાં આવે છે.

નો કૉસ્ટ EMI
કોઈ મોંઘી પ્રોડક્ટને ખરીદવા માટે ગ્રાહક કાયમ EMIની મદદ લે છે. EMI એટલે હપ્તેથી કોઈ પ્રોડક્ટ લેવાની, જેમાં એક ચોક્કસ રકમ ચોક્કસ સમય સુધી ભરવાની રહે છે. આ સાથે જ વ્યાજ પણ લાગે છે. આ વ્યાજ EMIની સુવિધા લેવાની બદલામાં આપવું પડે છે.

એટલે કે, જો તમે 12000 રૂપિયાની કોઈ વસ્તું ખરીદી છે અને તેનું પેમેન્ટ EMI પર ત્રણ મહિના સુધી કરવાનું છે, તો તમારે 4000 રૂપિયાના હપ્તા પ્લસ વ્યાજ આપવું પડશે. Festive Season Offer Online

આ પણ વાંચો: NEET Result 2020: આજે જાહેર થશે પરિણામ, આ 4 સ્ટેપ્સમાં જુઓ સ્કોર કાર્ડ

જ્યારે નો-કૉસ્ટ EMIમાં ગ્રાહકને માત્ર વસ્તુનીં કિંમત જ હપ્તેથી ચૂકવવાની રહે છે અને કોઈ વ્યાજ આપવું નથી પડતું. એટલે કે, જો તમે 12000ની કોઈ વસ્તુ 3 મહિના સુધીની EMI પર ખરીદી છે. તો દર મહિને માત્ર 4000 રૂપિયા જ ચૂકવવાના રહેશે. એટલે તમારા ખિસ્સામાંથી 12000 રૂપિયા જ જશે.

હકીકતમાં No Cost EMI ગ્રાહકોને લલચાવવા માટે જ હોય છે. સામાન્ય EMIમાં આપવામાં આવનારા વ્યાજની જેમ કંપનીઓ તેમાં પણ વ્યાજ કાઉન્ટ કરી લે છે. તેના બે પ્રકાર છે. પ્રથમ કંપનીઓ નો-કૉસ્ટ EMI ઑપ્શન આપવાની સાથે જ પ્રોડક્ટની સંપૂર્ણ રકમ પર ડિસ્કાઉન્ટ આપે છે. જ્યારે જો No Cost EMI પસંદ કરીએ તો પણ પ્રોડક્ટની પૂરી કિંમત ચૂકવવી પડે છે. બીજી પદ્ધતિ એ છે કે, વ્યાજ પ્રોડક્ટ કૉસ્ટમાં જ સામેલ કરી દેવામાં આવે છે. નો-કૉસ્ટ EMI પર પણ વ્યાજ લેવાનું કારણ એજ છે કે, RBI તરફથી ઝીરો પરસન્ટ ઈન્ટ્રેસ્ટને પરમિશન નથી.

.