Gujarat Exclusive > યુથ > સ્પોર્ટ્સ > વિરાટ કોહલીએ હારનો ટોપલો બેટ્સમેનો પર લગાવ્યો, કહ્યું બહાદુરી ન બતાવી શક્યા..

વિરાટ કોહલીએ હારનો ટોપલો બેટ્સમેનો પર લગાવ્યો, કહ્યું બહાદુરી ન બતાવી શક્યા..

0
49

T-20 વર્લ્ડ કપમાં ભારતીય ટીમને કારમી હારનો સામનો કરવો પડ્યો છે. પાકિસ્તાન બાદ હવે ભારતે ન્યૂઝીલેન્ડના હાથમાં મેચ આપી દીધી હોય તેવું જોવા મળી રહ્યું હતું. હવે ટીમ ઈન્ડિયા માટે આ વર્લ્ડ કપની નોકઆઉટ મેચમાં પહોંચવું મુશ્કેલ બની ગયું છે. કેપ્ટન વિરાટ કોહલીએ હાર બાદ હારનો દોષ બેટ્સમેનો પર લગાવ્યો અને સાથે જ કહ્યું કે અમે બહાદુરીથી બેટિંગ નથી કરી.

ન્યૂઝીલેન્ડ સામે મેચ હાર્યા બાદ કેપ્ટન વિરાટ કોહલીએ કહ્યું, ‘ન્યૂઝીલેન્ડે પહેલી જ ઓવરથી અમારા પર દબાણ બનાવ્યું. તે ખૂબ જ ખરાબ દિવસ હતો, અમે બેટિંગ કે બોલિંગ વખતે કોઈ બહાદુરી દેખાડી ન હતી. અમે જ્યારે પણ આક્રમણ કરવા જતા ત્યારે અમારી વિકેટો પડતી હતી.

વિરાટ કોહલીએ કહ્યું, ‘જ્યારે તમે ભારત માટે રમો છો, ત્યારે ચાહકોને ઘણી અપેક્ષાઓ હોય છે. માત્ર એક ચાહક તરીકે જ નહીં પણ એક ખેલાડી તરીકે પણ તમે ઘણી અપેક્ષાઓ સાથે રમો છો. ટુર્નામેન્ટમાં હજુ ઘણું બાકી છે, આવનારી મેચોમાં અમને સકારાત્મક રમત બતાવો.

ઉલ્લેખનીય છે કે, T-20 વર્લ્ડ કપમાં ભારત તેની શરૂઆતની બંને મેચ હારી ગયું હતું. પાકિસ્તાને ભારતને 10 વિકેટે હરાવ્યું હતું, હવે ન્યૂઝીલેન્ડે પણ 8 વિકેટે હરાવ્યું છે. ભારતે તેમની આગામી મેચમાં અફઘાનિસ્તાન, નામિબિયા, સ્કોટલેન્ડને મોટા માર્જિનથી હરાવવું પડશે જેથી કરીને તેઓ તેમના નેટ-રન રેટમાં સુધારો કરી શકે.

ન્યુઝીલેન્ડના કેપ્ટન કેન વિલિયમસને આ મેચ જીત્યા બાદ કહ્યું કે ભારત એક મજબૂત ટીમ છે, તેથી અમે મોટી ટીમ સામે સારું રમ્યા. અમારા સ્પિનરો, બોલરોએ શાનદાર રમત દેખાડી જેના કારણે આ જીત મળી.

તમને જણાવી દઈએ કે આ મેચમાં ભારતે ટોસ ગુમાવ્યો હતો, પરંતુ પહેલા બેટિંગ કરી હતી. ટીમ ઈન્ડિયા માત્ર 110 રન બનાવી શકી, સમગ્ર બેટિંગ ક્રમ અહીં નિષ્ફળ ગયો. ન્યૂઝીલેન્ડે માત્ર 2 વિકેટ ગુમાવીને આ લક્ષ્યાંક હાંસલ કરી લીધો હતો અને આ T-20 વર્લ્ડ કપમાં તેની પ્રથમ જીત મેળવી હતી.

 Follow Gujarat Exclusive on Telegram For Latest News From Gujarat Follow Gujarat Exclusive on WhatsApp For Latest News From Gujarat 

Follow Gujarat Exclusive on Instagram For Latest News From Gujarat  Follow Gujarat Exclusive on Twitter For Latest News From Gujarat