Gujarat Exclusive > આપણી જરૂરિયાત > વ્યાપાર > સ્નેપડીલથી દિલ્હીના પાલિકા બજાર સુધી, USએ દેશના 4 માર્કેટને ગણાવ્યા નકલી પ્રોડક્ટ્સનો ગઢ

સ્નેપડીલથી દિલ્હીના પાલિકા બજાર સુધી, USએ દેશના 4 માર્કેટને ગણાવ્યા નકલી પ્રોડક્ટ્સનો ગઢ

0
148

નકલી પ્રોડક્ટ્સના માર્કેટમાં દિલ્હીની પાલિકા બજાર સહિત ભારતના 4 માર્કેટ સામેલ

Notorious Markets List: યુનાઈટેડ સ્ટેટ ટ્રેડ રિપ્રેઝન્ટેટિવ (USTR) દ્વારા નકલી અને પાઈરેટેટ સામાન (Fake Products) માટે વગોવાયેલા માર્કેટની યાદી જાહેર કરી છે. જેમાં ભારતના ચાર બજારો (Indian Markets) સહિત સ્નેપડીલ (Snapdeal) જેવી ઈ-કોમર્સ માર્કેટ પ્લેસનું (Indian Ecommerce Platforms) પણ નામ સામેલ છે.

ભારતના ક્યા-ક્યા બજારો લિસ્ટમાં?
USTRના “2020 રિવ્યૂ ઑફ નૉટોરિયસ માર્કેટ્સ ફૉર કાઉન્ટરફીડ એન્ડ પ્રાઈવસી”ની યાદીમાં મુંબઈના હીરા પન્ના, કોલકત્તાના કિડરપુર અને દિલ્હીના પાલિકા બજાર (Delhi Palika Bazar) અને ટેન્ક રોડનું નામ છે. પહેલા આ યાદીમાં આઈઝોલના મિલિનિયમ સેન્ટર્સનું નામ પણ હતું, પરંતુ હવે તેની જગ્યાએ પાલિકા બજારનું નામ આવી ગયું છે. આ યાદીમાં વિશ્વભરના એવા 34 બજારોનું નામ સામેલ છે.

ઈ-માર્કેટ પ્લેસ પણ નકલી માલ વેચવા માટે બદનામ
નકલી કે પાઈરેટેડ માલ-સામાન વેચવા મામલે ઈ-માર્કેટ (E-Market) પણ પાછળ નથી. આ યાદીમાં ભારતના સૌથી મોટા ઈ-કૉમર્સ પ્લેટફોર્મમાંથી (Indian Ecommerce Platforms) એક સ્નેપડીલનું (Snapdeal) પણ નામ છે. આ યાદીમાં વિશ્વભરના કુલ 39 ઓનલાઈન માર્કેટ પ્લેસનું (Online Market Place) નામ સામેલ છે.

આ વખતની યાદીમાં પ્રથમ વખત અમેરિકાએ નકલી માલ-સામાનની (Fake Products) આયાતને પ્રોત્સાહન આપવા મામલે ઓનલાઈન માર્કેટની (Online Market) ભૂમિકા પર અલગથી ચેપ્ટર આપ્યું છે.

આ પણ વાંચો: જામનગરમાં CM રૂપાણીની સભા પૂર્વે કોંગ્રેસનો હોબાળો, 20થી વધુ કાર્યકર્તાઓની અટકાયત 

આ અંગે USTRના અધ્યક્ષ રૉબર્ટ લાઈટાઈઝરનું કહેવું છે કે, વર્તમાન સમયમાં સૌથી મોટું જોખમ નકલી અને પાઈરેટેડ સામાનની (Fake Products) આયાતનું છે. જે અમેરિકન પ્રોડક્ટ્સ મેન્યૂફેક્ચર કરનારા અને ગ્રાહક બન્નેને નુક્સાન પહોંચાડી રહ્યું છે.

સ્નેપડીલ પર સૌથી વધુ નકલી માલ
યુનાઈટેડ સ્ટેટ ટ્રેડ રિપ્રેઝન્ટેટિવ (USTR)એ કહ્યું કે, સ્નેપડીલ (Snapdeal) ચિંતાનું મુખ્ય કારણ બની છે. નવેમ્બર-2018ના એક સર્વેમાં 37 ટકા ગ્રાહકોએ સ્નેપડીલ પર નકલી માલ (Fake Products) વેચાતો હોવાની ફરિયાદ કરી હતી. જ્યારે જુલાઈ-2019માં સ્નેપડીલના ફાઉન્ડર્સ પર ભારતમાં નકલી પ્રોડક્ટ વેચવાનો આરોપ લાગ્યો હતો.

અમેરિકન અધિકારીઓ દ્વારા પકડવામાં આવેલા નકલી માલ-સામાનમાંથી મોટાભાગના ચીન કે હોંગકોંગમાં બન્યા છે. જો કે આ સમસ્યા વૈશ્વિક બની છે, જપ્ત કરવામાં આવેલા સામાનમાંથી 92 ટકા નકલી પ્રોડક્ટ્સ વિદેશી બજારોમાંથી આવી છે. જેમાં ચીન અને હોંગકોંગ ઉપરાંત ભારત, સિંગાપુર, થાઈલેન્ડ, તૂર્કી અને UAE જેવા દેશો પણ સામેલ છે.

https://chat.whatsapp.com/ELSNNKbgp0tBaAC4irblG9