સેબીએ 21 વર્ષ જૂના એક કેસમાં અંબાણી બંધુઓ (મુકેશ અને અનિલ) અને તેમની પત્નીઓ (નીતા અને ટીના) પર બુધવારે 25 કરોડ રૂપિયાનો દંડ ફટકાર્યો છે. આ કેસ રિલાયન્સ ઈન્ડસ્ટ્રીઝના પાંચ ટકાની નક્કી સીમાથી વધારે શેર ખરીદવા પર તેની સૂચના સેબીને ના આપવા સાથે જોડાયેલો છે.
સેબીએ 85 પેજના પોતાના નિર્ણયમાં સ્પષ્ટ કહ્યું છે કે, રિલાયન્સ ઈન્ડસ્ટ્રીઝના પ્રમોટરે કંપનીમાં પોતાની ભાગીદારી વિશે તેને યોગ્ય જાણકારી આપી નહતી. આ કારણે કંપનીના પ્રમોટરોમાં સામેલ મુકેશ અને અનિલ અંબાણી સાથે તેમની પત્નીઓ નીતા અને ટીના અંબાણી પર આ દંડ ફટકારવામાં આવ્યો છે.
સેબીએ કહ્યું કે, રિલાયન્સ ઈન્ડસ્ટ્રીઝના પ્રમોટર 2000માં 6.83 ટકા શેર ખરીદવાની વાત તેમના સાથે શેર કરવામાં નિષ્ફળ રહ્યાં હતા. જ્યારે નિયમો અનુસાર પાંચ ટકાથી વધારે શેર ખરીદવા પર સેબીને બતાવવું જરૂરી હતું.
જોકે, 2005માં અંબાણી બંધુઓના વ્યાપારની વહેંચણી થઈ ગઈ હતી. તે પછી પેટ્રોલિયમ વ્યાપાર સાથે જોડાયેલી રિલાયન્સ ઈન્ડસ્ટ્રીઝ મુકેશ અંબાણીના હિસ્સામાં જતી રહી હતી. જ્યારે સમૂહના બીજા વ્યાપાર અનિલ અંબાણીને મળ્યા હતા.
