Gujarat Exclusive > ગુજરાત > મધ્ય ગુજરાત > સરકારે ઓવરટાઈમના પૈસા આપ્યા વિના વધાર્યા કામના કલાકો, કોર્ટે ઝાટકણી કાઢી

સરકારે ઓવરટાઈમના પૈસા આપ્યા વિના વધાર્યા કામના કલાકો, કોર્ટે ઝાટકણી કાઢી

0
145

ગાંધીનગર: ગુજરાત સરકાર (Gujarat Government)ને રાજ્યની કંપનીઓમાં 12 કલાક કામની મંજૂરી આપવાના કેસમાં મોટો ફટકો પડ્યો છે. સુપ્રીમ કોર્ટે (Supreme Court) ગુજરાત સરકારના એ નોટિફિકેશનને ફગાવ્યું છે. જેમાં ફેક્ટરી એક્ટ-1948 (Factory Act) અંતર્ગત આપવામાં આવેલ વિશેષ શક્તિઓનો ઉપયોગ કરીને શ્રમિકોના કામના કલાકો વધારવાની વાત કહેવામાં આવી હતી.

આ કેસની સુનાવણી કરતાં જસ્ટિસ ડીવાય ચંદ્રચૂડ, કેએમ જોસેફ અને ઈન્દુ મલ્હોત્રાની પીઠે કહ્યું કે, મહામારીની સ્થિતિ બંધારણીય જોગવાઈઓને સમાપ્ત કરવા માટેનું કારણ ના હોઈ શકે. આ જોગવાઈ શ્રમિકોને સમ્માન અને અધિકાર પૂરા પાડે છે.

આ પણ વાંચો: World Vegetarian Day: આ બૉલિવૂડ અપ્સરાઓ, જેને જોઈને તમે પણ બનશો શાકાહારી

ગત 23 સપ્ટેમ્બરે, પીઠે ગુજરાત સરકાર દ્વારા 17 એપ્રિલ, 2020ના રોજ જાહેર કરવામાં આવેલ જાહેરનામાને પડકારતી અરજીમાં પોતાના આદેશને સુરક્ષિત રાખ્યો હતો.

સરકાર તરફથી આ જાહેરનામું ફેક્ટરી એક્ટના સેક્શન-5 અંતર્ગત 20 એપ્રિલથી 19 જુલાઈ 2020ની મુદ્દત માટે જાહેર કરવામાં આવ્યું હતું. અગાઉ ગુજરાત સરકાર દ્વારા ઈન્ડસ્ટ્રીઝને લોકડાઉન કાળમાં ફેકટરી અધિનિયમ હેઠળ કેટલીક છૂટછાટો આપવામાં આવી છે. જે પ્રમાણે મજૂરો 6 કલાકના કામ બાદ અડધો કલાકનો બ્રેક લઈને બીજા 6 કલાક એમ કુલ 12 કલાકની શિફ્ટમાં કામ કરશે. જો કે વધારાના કામના કલાકો માટે તેમને સામાન્ય રીતે જે રકમ મળે છે, તે જ મળશે.

કોરોના મહામારીને લઈને લોકડાઉનની શ્રમિકો અને કારખાના-ફેકટરીઓમાં કામ કરતાં મજૂરો પર માઠી અસર થઈ છે. આવા સમયે સુપ્રીમ કોર્ટે રાજય સરકારની મુશ્કેલીમાં વધારો કર્યો છે. સુપ્રીમ કોર્ટે ફેકટરીમાં મજૂરી ચુકવ્યા વિના ઓવરટાઈમ કરાવાને લઈને સરકારને ફટકાર લગાવી છે.

રાજ્યના શ્રમ વિભાગે 17 એપ્રિલના જાહેરનામું પ્રસિદ્ધ કરીને કહ્યું હતું કે, મજૂરોને ચૂકવવામાં આવતું મહેનતાણું વર્તમાન વેતનની સરેરાશમાં હોવું જોઈએ. (ઉદાહરણ તરીકે, જો 8 કલાકનું વેતન 80 રૂપિયા છે, તો 12 કલાક માટે 120 રૂપિયા મળશે). આ જોગવાઈ 20 એપ્રિલથી શરૂ થઈને 3 મહિના માટે લાગૂ થવાની હતી. ગુજરાત સરકારે કહ્યું હતું કે, શિફ્ટ આ પ્રકારને નક્કી થવી જોઈએ કે, દર 6 કલાકમાં કર્મચારીઓને અડધો કલાકનો આરામ આપવામાં આવે.

ગુજરાત સરકારે આ પરિવર્તન માટે વિધાનસભામાં ઠરાવ પાસ કરાવ્યા વિના ફેક્ટરી એક્ટ-1948 અંતર્ગત આપવામાં આવેલ વિશેષ શક્તિઓનો ઉપયોગ કર્યો હતો. જે જાહેર કટોકટીની સ્થિતિ માટે હોય છે. રાજ્ય સરકાર દ્વારા આ પગલુ એટલા માટે લેવામાં આવ્યું હતું કે, ફેક્ટરીઓમાં ઉત્પાદન જળવાઈ રહે અને સોશિયલ ડિસ્ટન્સિંગ જાળવી રાખતા ઓછા કર્મચારીઓ સાથે કામ કરવાથી ઉત્પાદન પર કોઈ વિપરીત અસર ના થાય.