રાજસ્થાન: 700 ગ્રામના ઉંદરની ચોરી અંગે નોંધાઈ FIR, પોલીસે કહ્યું, અપાવીશું ન્યાય

બાંસવાડા: તમે ચોરીની ઘણી ઘટનાઓ તો સાંભળી જ હશે, પરંતુ રાજસ્થાનના એક પોલીસ સ્ટેશનમાં નોંધાયેલ ચોરીનો અનોખો કિસ્સો જે તમે ક્યારેય સાંભળ્યો નહીં હોય. રાજસ્થાનના આદિવાસી બહુલ બાંસવાડા જિલ્લામાં ઉંદર ચોરીનો એક અનોખો કિસ્સો પ્રકાશમાં આવ્યો છે. અહીં સજ્જનગઢ પોલીસ સ્ટેશન વિસ્તારના પાડલા વડકિયા ગામમાંથી એક પાલતુ ઉંદર ચોરાઈ ગયો હતો. આ મામલામાં ઉંદરના માલિકે રવિવારે પોલીસ સ્ટેશનમાં ફરિયાદ નોંધાવી છે. પોલીસ એમ પણ કહે છે કે તેમનું કામ રિપોર્ટ નોંધીને મામલાની તપાસ કરવાનું છે. પોલીસે દાવો કર્યો છે કે તે આ મામલે પણ ખુલાસો કરશે.

સજ્જનગઢ પોલીસ સ્ટેશનના અધિકારી ધનપત સિંહે જણાવ્યું કે બડખિયાના રહેવાસી 62 વર્ષીય મંગુએ આ કેસ નોંધાવ્યો છે. તેમણે પોતાના ઘરે એક કાંટાવાળો ઉંદર પાળ્યો હતો. તેનું વજન લગભગ 700 ગ્રામ હતું. મંગુએ પોતાના રિપોર્ટમાં તેના ભાઈના પુત્ર પર ચોરીનો આરોપ લગાવ્યો છે. તેણે જણાવ્યું કે ચોરી 28 સપ્ટેમ્બરની રાત્રે લગભગ 2 વાગ્યે થઈ હતી. રાત્રે મોહિત અને અરવિંદ તેના ભાઈના પુત્ર સુરેશ સાથે આવ્યા હતા અને ઘરમાંથી ઉંદર ચોરી ગયા હતા.

આ પણ વાંચો : IMPACT: ગુજરાત એક્સક્લૂઝિવના અહેવાલ પછી CMOએ DELF કન્સલ્ટન્સીને કરી બ્લેકલિસ્ટ

IPC કલમ 457 અને 380 હેઠળ ચોરીનો કેસ નોંધવામાં આવ્યો

એસએચઓ સિંહે કહ્યું કે આ કેસમાં આઈપીસીની કલમ 457 અને 380 હેઠળ ચોરીનો કેસ નોંધવામાં આવ્યો છે. ત્રણેય આરોપી યુવકોને પૂછપરછ માટે બોલાવવામાં આવ્યા છે. તેમણે જણાવ્યું કે તેમના પોલીસ સ્ટેશનમાં ચોરીનો આ પહેલો કેસ છે. પોલીસ અધિકારીના કહેવા પ્રમાણે, જ્યારે મામલો ચોરીનો હોય તો અમારું કામ રિપોર્ટ દાખલ કરવાનું છે અને તપાસ કરીને તેનો ખુલાસો કરવાનું છે. ટૂંક સમયમાં આ બાબતનો ખુલાસો કરવામાં આવશે અને પીડિત પરિવારને ન્યાય આપવામાં આવશે.

ચોરી એ ચોરી છે તેં ઘરમાંથી ઉંદર કેમ ચોર્યો?

જ્યારે પીડિતા મંગુ કહ્યું કે ઉંદર તેનો પાલતુ છે. આખું ઘર તેને લાડથી રાખતું. જો મારા ભત્રીજાને ઉંદર જોઈતું હોય તો તેણે મને તે આપવાનું કહેવું જોઈતું હતુ. તેઓને આ રીતે રાત્રે ચોરી ન કરવી જોઈતી નહતી, તે પણ રાત્રે 2 વાગે. મંગુના મતે, ચોરી એ ચોરી છે ભલે પૈસાની હોય કે જીવની. સજ્જનગઢ પોલીસ આ સમગ્ર મામલાની તપાસમાં લાગેલી છે.