Gujarat Exclusive > ગુજરાત > મધ્ય ગુજરાત > સતત પાંચમાં દિવસે પેટ્રોલ-ડીઝલ થયું મોંઘુ, રાજ્યના મોટાભાગના શહેરોમાં પેટ્રોલની કિંમત ₹ 85ને પાર

સતત પાંચમાં દિવસે પેટ્રોલ-ડીઝલ થયું મોંઘુ, રાજ્યના મોટાભાગના શહેરોમાં પેટ્રોલની કિંમત ₹ 85ને પાર

0
57

ગાંધીનગર/નવી દિલ્હી: પેટ્રોલ અને ડીઝલની કિંમત દરરોજ મોંઘવારીનો નવો રેકોર્ડ બનાવી રહી છે. તમામ વિરોધ છતાં સરકારી ઓઈલ કંપનીઓએ સતત પાંચમાં દિવસે પેટ્રોલ અને ડીઝલની કિંમત વધારી દીધી છે. શનિવારે પેટ્રોલની કિંમત 31 પૈસા અને ડીઝલની કિંમતમાં 39 પૈસાનો વધારો કરવામાં આવ્યો છે. નવા વર્ષમાં પેટ્રોલ અને ડીઝલની કિંમતમાં આ 17મી વખત વધારો કરવામાં આવ્યો છે. Petrol Price Today

ઈન્ડિયન ઑઈલની વેબસાઈટ મુજબ, આજે દિલ્હીમાં પેટ્રોલની કિંમત 88.44 રૂપિયા પ્રતિ લીટર છે. જ્યારે મુંબઈમાં પેટ્રોલનો ભાવ 94.93 રૂપિયા પ્રતિ લીટર છે. કોલકત્તામાં પેટ્રોલની કિંમત 89.73 રૂપિયા પ્રતિ લીટર તો ચેન્નઈમાં 90.70 રૂપિયા પ્રતિ લીટર છે. Petrol Price Today

જો ડીઝલની વાત કરીએ તો, દિલ્હીમાં આજે ડીઝલ 78.74 રૂપિયા પ્રતિ લીટર વેચાઈ રહ્યું છે, જ્યારે મુંબઈમાં ડીઝલનો ભાવ 85.70 રૂપિયા છે. કોલકત્તામાં ડીઝલની કિંમત 82.33 રૂપિયા પ્રતિ લીટર છે, તો ચેન્નઈમાં ડીઝલ 83.86 રૂપિયા પ્રતિ લીટર વેચાઈ રહ્યું છે.

આ પણ વાંચો: પાલિકા અને જિલ્લા-તાલુકા પંચાયતોમાં ઉમેદવારી નોંધાવવાનો આજે અંતિમ દિવસ Petrol Price Today

ગુજરાતની વાત કરીએ તો, રાજ્યના વિવિધ શહેરોમાં આજે પેટ્રોલની કિંમતમાં વધારો જોવા મળ્યો છે. જેમાં અમદાવાદમાં 85.38 રૂપિયા પ્રતિ લીટર પેટ્રોલ વેચાઈ રહ્યું છે. જ્યારે ભાવનગરમાં સૌથી મોંઘુ 86.70 રૂપિયા પ્રતિ લીટર પેટ્રોલની કિંમત છે. જ્યારે સુરત, વડોદરા અને રાજકોટમાં આજની પેટ્રોલ કિંમત ક્રમશ: 85.39, 84.77 અને 85.16 રૂપિયા પ્રતિ લીટર પહોંચી ગઈ છે. Petrol Price Today

જણાવી દઈએ કે, દરરોજ સવારે 6 વાગ્યે પેટ્રોલ અને ડીઝલની કિંમતોમાં ફેરફાર થાય છે. સવારે 6 વાગ્યાથી નવા રેટ લાગૂ થઈ જાય છે. પેટ્રોલ અને ડીઝલની કિંમતમાં એક્સાઈઝ ડ્યૂટી, ડીલર કમિશન અને અન્ય ચાર્જ જોડ્યા બાદ તેની કિંમત લગભગ બેગણી થઈ જાય છે. ડૉલરની કિંમત સાથે ઈન્ટરનેશનલ માર્કેટમાં ક્રૂડની કિંમતો કેટલી છે? તેના આધારે રોજ પેટ્રોલ અને ડીઝલની કિંમતોમાં ફેરફાર થાય છે.

 Follow Gujarat Exclusive on Telegram For Latest News From Gujarat Follow Gujarat Exclusive on WhatsApp For Latest News From Gujarat 

Follow Gujarat Exclusive on Instagram For Latest News From Gujarat  Follow Gujarat Exclusive on Twitter For Latest News From Gujarat