ગુજરાત વિધાનસભામાં કોંગ્રેસનું વિપક્ષનું પદ પણ જોખમમાં

ગાંધીનગર: ગુજરાત વિધાનસભા ચૂંટણી 2022નું પરિણામ જાહેર થઇ રહ્યુ છે. વિધાનસભામાં 182 બેઠકમાંથી ભાજપે 150થી વધુ બેઠકો પર લીડ મેળવી લીધી છે. કોંગ્રેસ 16 બેઠક પર આગળ છે જ્યારે આમ આદમી પાર્ટીને 5 અને અન્ય 4 બેઠક પર આગળ ચાલી રહ્યુ છે. વિધાનસભામાં કોંગ્રેસ માટે વિપક્ષનું પદ પણ જોખમમાં મુકાઇ ગયુ છે. 16 બેઠકને કારણે કોંગ્રેસને વિપક્ષનું પદ નહી મળે. વિપક્ષના પદ માટે વિધાનસભામાં 19 બેઠક હોવી જરૂરી છે. વિપક્ષનું પદ ના મળવાને કારણે ઓફિસ, બંગલો-ગાડી સહિતની સુવિધા પણ નહી મળી શકે.