Gujarat Exclusive > આપણી જરૂરિયાત > વ્યાપાર > PMC બાદ વધુ એક બેંકમાં કરોડો રુપિયાનું કૌભાંડ, 76 લોકો વિરૂદ્ધ FIR દાખલ

PMC બાદ વધુ એક બેંકમાં કરોડો રુપિયાનું કૌભાંડ, 76 લોકો વિરૂદ્ધ FIR દાખલ

0
791

મુંબઈ: PMC બેંક બાદ મહારાષ્ટ્રની કર્નાલા કો-ઓપરેટિવ બેંકમાં મહાકૌભાંડ સામે આવ્યું છે. આ બેંકમાં 512 કરોડ રુપિયાનું કૌભાંડ આચરવામાં આવ્યું છે. નવી મુંબઈ પોલીસે 76 લોકો વિરૂદ્ધ ભારતીય દંડ સંહિતા અંતર્ગત FIR દાખલ કરી છે. અગાઉ સહકારી બેંક PMCમાં પણ કરોડો રુપિયાનું કૌભાંડ સામે આવ્યું હતું. જેના થોડા મહિના બાદ કર્નાલા સહકારી બેંકમાં કૌભાંડ સામે આવ્યું છે.

આ અંગે પ્રાપ્ત વિગતો પ્રમાણે, બેંકના અધ્યક્ષ અને પૂર્વ ધારાસભ્ય વિવેક પાટિલ આ કૌભાંડમાં સામેલ છે. આ ઉપરાંત 13 લોકો બેંક મેનેજમેન્ટ સાથે સંકળાયેલા છે, જ્યારે 63 લોકો પર નકલી દસ્તાવેજો બનાવીને બેંકમાંથી 512 કરોડ રુપિયાની લોન લેવાનો આરોપ છે. જેમના વિરૂદ્ધ ફરિયાદ દાખલ થઈ છે, તેમાં અનેક લોકો શેતકરી કામગાર પાર્ટી સાથે સંકળાયેલા છે.

આ કૌભાંડ સામે આવ્યા બાદ બેંકે ગ્રાહકોના રોકડ ઉપાડવા પર રોક લગાવી હતી. જે બાદ ખાતેદારોએ પનવેલમાં પ્રદર્શન કર્યું હતું. બેંક ખાતાધારકોએ આ મામલે ભૂખ હડતાલ પર ઉતરવાની ધમકી આપી છે. પૂર્વ સાંસદ કિરીટ સોમૈયા, ધારાસભ્ય પ્રશાંત ઠાકુર અને મહેશ બલ્દીએ બેંકના કેટલાક ગ્રાહતોને લઈને આ મામેલ કાયદાકીય લડાલી લડવા માટે એક કમિટિની રચના કરી છે.

અગાઉ પંજાબ એન્ડ મહારાષ્ટ્ર કૉ-ઓપરેટિવ બેંકના પૂર્વ મેનેજમેન્ટ અને HDILના પ્રમોટરો વિરૂદ્ધ FIR દાખલ કરવામાં આવી હતી. મુંબઈ પોલીસે આ FIR રિઝર્વ બેંક તરફથી નિયુક્ત કરવામાં આવેલા સંચાલકની ફરિયાદના આધારે દાખલ કરી હતી.

મીડિયા રિપોર્ટ્સ પ્રમાણે, બેંકના પૂર્વ ચેરમેન વરયામ સિંહ, મેનેજિંગ ડિરેક્ટર જૉય થૉમસ સહિતના અન્ય વરિષ્ઠ અધિકારીઓ ઉપરાંત HDILના ડિરેક્ટર વાધવનનું નામ પણ FIRમાં છે. 2008થી બેંકનું નુક્સાન 4355.46 કરોડ રુપિયા થઈ ચૂક્યું છે.

આરોપ છે કે, HDILના પ્રમોટરોએ બેંક મેનેજમેન્ટ સાથે મળીને ભાંડુપ શાખામાંથી લોન લીધી. લોનની ચૂકવણી ના કરવા છતાં HDILની વિગતો RBIથી છુપાવવામાં આવી. આ લોકોએ કંપનીના નકલી ખાતા પણ બનાવ્યા અને તેના પર નાની લોન પણ લીધી. આટલું જ નહીં બેંકનો નકલી રિપોર્ટ પણ બનાવ્યો, જેથી તેઓ તપાસમાં બચી શકે.

મોદીજી મને પસંદ પણ હાલ ભારત સાથે કોઈ ટ્રેડ ડીલ નહીં: ડોનાલ્ડ ટ્રમ્પ