Gujarat Exclusive > દેશ-વિદેશ > IIT Bombayથી Twitterના CEO સુધીની સફર, જાણો કોણ છે પરાગ અગ્રવાલ

IIT Bombayથી Twitterના CEO સુધીની સફર, જાણો કોણ છે પરાગ અગ્રવાલ

0
3

ટ્વિટરના ચીફ ટેકનિકલ ઓફિસર પરાગ અગ્રવાલે CEO તરીકે સહ-સ્થાપક જેક ડોર્સીની જગ્યા લીધી છે. સોશિયલ મીડિયા જાયન્ટે એક નિવેદનમાં જણાવ્યું હતું કે બોર્ડ ઓફ ડિરેક્ટર્સે પરાગ અગ્રવાલની સીઈઓ અને બોર્ડના સભ્ય તરીકે તાત્કાલિક અસરથી નિમણૂકને સર્વસંમતિથી મંજૂરી આપી છે.

જેક ડોર્સીએ પણ ટ્વીટ કરીને આ વાતની પુષ્ટિ કરી છે. ટ્વીટમાં જેક ડોર્સીએ સ્પષ્ટ લખ્યું છે કે ટ્વિટરના સીઈઓ પદ છોડવાનો નિર્ણય તેમનો પોતાનો છે.

આ નિર્ણય સાથે IIT બોમ્બેના સ્નાતક પરાગ અગ્રવાલનું નામ પણ સુંદર પિચાઈ, સત્ય નડેલા, રાજીવ સૂરી જેવા મોટા નામોમાં જોડાઈ ગયું છે, જેમણે બિગ ટેક કંપનીઓમાં ટોચના હોદ્દા પર સ્થાન મેળવ્યું છે. ચાલો જાણીએ કોણ છે પરાગ અગ્રવાલ.

IIT Bombay થી Twitter ના CEO સુધીની સફર

ટ્વિટરના નવા સીઈઓ પરાગ અગ્રવાલ 2011માં એડવર્ટાઈઝિંગ એન્જિનિયર તરીકે કંપનીમાં જોડાયા હતા અને આખરે 2018માં ટ્વિટરના સીટીઓના પદ પર પહોંચ્યા હતા. જ્યારે જેક ડોર્સી બ્લોકચેન ટેકનોલોજી, ક્રિપ્ટોકરન્સી અને વિકેન્દ્રીકરણમાં તેમની રુચિઓ માટે જાણીતા છે, ત્યારે બીજી તરફ અગ્રવાલ કંપનીના BlueSky પ્રયાસનું નેતૃત્વ કરી રહ્યા છે.

અગ્રવાલે તેમનું શાળાકીય શિક્ષણ એટોમિક એનર્જી કેન્દ્રીય વિદ્યાલયમાંથી કર્યું છે. અમેરિકા જતા પહેલા પરાગ અગ્રવાલે આઈઆઈટી બોમ્બેમાંથી કોમ્પ્યુટર સાયન્સમાં ગ્રેજ્યુએશન પૂર્ણ કર્યું હતું. 2005માં તેમણે સ્ટેનફોર્ડ ખાતે કોમ્પ્યુટર સાયન્સ પીએચડી પ્રોગ્રામમાં પ્રવેશ લીધો. તેમના પીએચડી દરમિયાન તેમણે માઇક્રોસોફ્ટ, એટી એન્ડ ટી લેબ્સ અને યાહૂમાં સંશોધન પદો પર કાર્ય કર્યું. તે પછી 2011માં ટ્વિટરમાં એડવર્ટાઇઝિંગ એન્જિનિયર તરીકે જોડાયો અને વર્ષોથી તેને પ્રતિષ્ઠિત સોફ્ટવેર એન્જિનિયર તરીકે બઢતી આપવામાં આવતી રહી.

ટ્વિટરમાં નોકરી દરમિયાન તેમણે વપરાશકર્તાઓની ટાઈમ્સલાઈન પર ટ્વીટ્સની સુસંગતતા વધારવા માટે AI નો ઉપયોગ કરવા પર ધ્યાન કેન્દ્રિત કર્યું.

પરાગ અગ્રવાલ તે ભારતીયોની યાદીમાં સામેલ થઈ ગયા છે જેમણે ટેક દિગ્ગજોમાં સી-લેવલ પદો પર જગ્યા બનાવી છે- સુંદર પિચાઈ Googleના વર્તમાન સીઈઓ છે, જ્યારે સત્ય નડેલા વર્તમાનમાં માઈક્રોસોફ્ટનું નેતૃત્વ કરે છે.

 Follow Gujarat Exclusive on Telegram For Latest News From Gujarat Follow Gujarat Exclusive on WhatsApp For Latest News From Gujarat 

Follow Gujarat Exclusive on Instagram For Latest News From Gujarat  Follow Gujarat Exclusive on Twitter For Latest News From Gujarat