Gujarat Exclusive > દેશ-વિદેશ > બે લાખ દસ્તાવેજથી ખુલાસો- હવે મૉરીશસ દ્વારા કાળુ ધન વધારી રહ્યાં છે ભારતીય ધનકુબેર

બે લાખ દસ્તાવેજથી ખુલાસો- હવે મૉરીશસ દ્વારા કાળુ ધન વધારી રહ્યાં છે ભારતીય ધનકુબેર

0
332

સ્વિસ લીક, પનામા પેપર્સ લીક, પેરાડાઇઝ પેપર્સ લીક અને મોરિશસથી મળેલા કેટલાક દસ્તાવેજો, જેમાં 2 લાખની નજીક ઇમેલ, બેન્ક સ્ટેટમેન્ટ વગેરે છે, તેનાથી ખબર પડે છે કે વિવિધ કોર્પોરેટ સેક્ટર્સ દ્વારા મૉરીશસમાં રોકાણ કરી મોટી સંખ્યામાં ટેક્સ બચત કરવામાં આવી છે. કેટલીક કોર્પોરેટ કંપનીઓએ પોતાના સહયોગી મલ્ટીનેશનલ કંપનીઓને ‘કેપિટલ ગેન ટેક્સ’ની સુવિધાનો ફાયદો પહોચાડ્યો છે. જેનાથી ભારતે પ્રત્યક્ષ વિદેશી રોકાણ મામલે ઘણુ નુકસાન ઉઠાવવુ પડ્યુ છે.

18 દેશના સંયુક્ત ઇન્ટરનેશનલ કંસોર્ટિયમ ઓફ ઇન્વેસ્ટિગેટિવ જર્નાલિસ્ટ અને ધ ઇન્ડિયન એક્સપ્રેસે એક ઓફશોર સ્પેશ્યાલિસ્ટ ફર્મ કોર્નયર્સ ડિલ એન્ડ પેયરમેન દ્વારા આપવામાં આવેલા આંકડાનું વિશ્લેષણ કર્યુ છે. આ વિશ્લેષણથી ખબર પડે છે કે ભારત અને મૉરિશસ વચ્ચે વર્ષ 1982માં Double Taxation Axoidance Agreement (DTAA) નામની સંધિ થઇ હતી. આ સંધિ હેઠળ કોઇ કંપની ટેક્સ રેજિડેન્સી માટે અરજી કરે છે તો તેને કેપિટલ ગેન્સ ટેક્સ આપવો પડતો નથી.

આ સંધિને કારણે મૉરિશસ,ભારતમાં રોકાણ માટે સૌથી પસંદગીની ચેનલ બની છે. ગત 33 વર્ષ દરમિયાન કેટલીક આપત્તિઓ છતા આ સંધિ ચાલતી રહી અને હવે 10 મે, 2016માં સંધિની જોગવાઇ પૂર્ણ થઇ ગઇ છે. તે બાદ મૉરિશસથી ભારતમાં થનારા રોકાણ પર પણ કેપિટલ ગેન્સ ટેક્સ લાગવાનો શરૂ કરી દેવામાં આવ્યો છે.ગત 2 વર્ષથી આ વ્યવસ્થા અસ્થાયી રીતે લાગુ હતુ પરંતુ આગામી એપ્રિલ, 2019થી આ વ્યવસ્થા સ્થાઇ થઇ ગઇ છે.

મહત્વપૂર્ણ છે કે હવે ભારતમાં મૉરિશસ થઇને આવનારા પ્રત્યક્ષ વિદેશી રોકાણમાં ભારે નુકસાન થયુ છે અને વર્ષ 2018-19ના મુકાબલે આ 44% ઘટી ગયુ છે. રેકોર્ડ અનુસાર, પેરાડાઇઝ પેપર્સ લીકથી મળેલી જાણકારી અનુસાર, રેલીગેયર ઇન્ટરપ્રાઇજેજ લિમિટેડે એક અન્ય કંપનીમાં રોકાણ કર્યુ હતું, જેને શંકાસ્પદ માનવામાં આવી રહ્યું છે.

જોકે, મૉરિશસના નાણા પ્રધાને ઉપરના આરોપોને નકારી દીધા છે. બીજી તરફ ભારતીય નાણા મંત્રાલયના એક અધિકારીએ જણાવ્યુ કે ભારત વર્ષ 1993માં બન્ને દેશો વચ્ચે થયેલી સંધિમાં બદલાવનો પ્રયાસ કર્યો હતો પરંતુ મૉરિશસના વિરોધને કારણે આ થઇ શકી નહતી. હવે 2016માં મૉરિશસ અને ભારતની સરકારે આ સંધિને બદલવા પર તૈયાર થઇ ગયા છે.

સરકારનો તઘલકી નિર્ણય: “શિક્ષક હવે સાયકલ શોધશે”, આમાં કેવી રીતે ભણશે ગુજરાત ?