T20 ક્રિકેટ ટીમના નવા કેપ્ટન હાર્દિક પંડ્યાએ અમિત શાહ સાથે કરી મુલાકાત

ચાર દિવસ પહેલા ભારતીય T20 ક્રિકેટ ટીમનો કેપ્ટન બનાવવામાં આવ્યા બાદ હાર્દિક પંડ્યા શનિવારે કેન્દ્રીય ગૃહ મંત્રી અમિત શાહને મળ્યો હતો.

તેનો મોટો ભાઈ કૃણાલ પંડ્યા પણ તેની સાથે હતો.

આ મીટિંગની તસવીરો સાથે તેણે સોશિયલ મીડિયા સાઈટ ટ્વિટર પર ટ્વીટ કર્યું છે. આ ટ્વિટમાં તેમણે આમંત્રણ બદલ અમિત શાહનો આભાર માન્યો છે.

તેમણે લખ્યું, “આદરણીય ગૃહમંત્રી શ્રી અમિત શાહ જી, તમારો અમૂલ્ય સમય તેમની સાથે વિતાવવા માટે અમને આમંત્રણ આપવા બદલ આભાર. તમને મળવું એ એક સન્માન અને સૌભાગ્યની વાત રહી.

Thank you for inviting us to spend invaluable time with you Honourable Home Minister Shri @AmitShah Ji. It was an honour and privilege to meet you. 😊 pic.twitter.com/KbDwF1gY5k

— hardik pandya (@hardikpandya7) December 31, 2022

અમિત શાહના પુત્ર જય શાહ હાલમાં ભારતીય ક્રિકેટ કંટ્રોલ બોર્ડ (BCCI)ના સચિવ છે.

ભારતીય ટીમ મંગળવારથી શ્રીલંકા સામે ત્રણ T20 મેચ રમવાની છે. ત્યાર બાદ ત્રણ વનડે મેચોની શ્રેણી પણ યોજાવાની છે.