Gujarat Exclusive > ગુજરાત > મધ્ય ગુજરાત > ગરમીઃ ગુજરાતમાં ઘણા શહેરોમાં 15 માર્ચ પછી 40 ડિગ્રીને પાર જવાની આગાહી

ગરમીઃ ગુજરાતમાં ઘણા શહેરોમાં 15 માર્ચ પછી 40 ડિગ્રીને પાર જવાની આગાહી

0
150

બુધવારે રાજ્યના 12 શહેરોમાં પારો 36ને પાર, અમદાવાદમાં ગરમી 36.8

અમદાવાદઃ ગુજરાતમાં ધીમે-ધીમે ગરમીમાં વધારો (Gujarat heat) થઇ રહ્યો છે. હવામાન ખાતાની આગાહી મુજબ 15 માર્ચથી રાજ્યના ઘણા શહેરોમાં તાપમાન 40 ડિગ્રીને પાર પહોંચી શકે છે. બુદવારે રાજ્યના 12 શહેરોમાં ગરમીનો પારો 36ને ઉપર રહ્યો હતો. તેમાંથી 5 શહેરોમાં તો 37 ડિગ્રીથી વધુ ગરમી નોંધાઇ હતી. અમદાવાદમાં તાપમાન 2.8 ડિગ્રી વધીને ગરમીનો પારો 36.8 ડિગ્રી પર પહોંચ્યો છે.

37.8 ડિગ્રી સાથે મહુવા સૌથી ગરમ રહ્યો. જ્યારે નલિયામાં ઠંડીનો વર્તારો હજુ યથાવત છે. ત્યાં રાજ્યમાં સૌથી ઓછી ગરમી રેકોર્ડ થઇ. બુધવારે નલિયામાં તાપમાન 10.2 ડિગ્રી રહ્યો.

આ પણ વાંચોઃ હાર્દિક પટેલ: ગુજરાતની હદ ન છોડવાની જામીનની શરત કાયમી ધોરણે રદ કરવાનો ગુજરાત હાઇકોર્ટનો ઇન્કાર

હવે ગરમીમાં વધારો થવા લાગશે

રાજ્યમાં આજથી ગરમીમાં વધારો થવાની હવામાન વિભાગે આગાહી કરી છે. રાજ્યના 12 શહેરોમાં 36 ડિગ્રી તાપમાન (Gujarat heat) નોંધાયું હતું. જ્યારે મહુવા બાદ સુરેન્દ્રનગરમાં 37.3 ગરમી નોંધાઇ. વડોદરા અને અમરેલીમાં પારો 37.2 ડિગ્રીએ હતો. તો ભૂજમાં ગરમી 37 ડિગ્રી નોંધાઇ. તે સિવાય રાજકોટમાં મહત્તમ તાપમાન 36 ડિગ્રી હતો.

માર્ચમાં શરુઆતથી બપોરે આકરી ગરમીનો અહેસાસ

હવામાન વિભાગ આ પહેલા જ ગરમીને લઈને પૂર્વાનુમાન જાહેર કરી ચૂક્યું છે. જે પ્રમાણે ગુજરાતમાં માર્ચથી મે મહિના સુધી તાપસમાન સામાન્ય કરતા ઊંચું રહેશે. બીજી તરફ રાજ્યમાં માર્ચ મહિનાની શરૂઆત થતા જ અનેક જગ્યાએ કાળઝાળ ગરમીનો અહેસાસ થવા લાગ્યો છે.

ઉલ્લેખનીય છે કે માર્ચની શરૂઆતની સાથે જ અમદાવાદ સહિતના શહેરમાં ગરમીનો અનુભવ થવા લાગ્યો છે. પરંતુ સવારના સમયે શિયાળા જેવી ગુલાબી ઠંડી અને બપોરના સમયે ગરમી એમ બવેડી ઋતુનો વર્તારો થઈ રહ્યો છે. આ વખતે ચોમાસામાં સામાન્ય કરતા વધારે વરસાદ પડ્યો હતો. અનેક વિસ્તારોમાં તો અતિ વૃષ્ટિ જેવી હાલત હતી.

આ પણ વાંચોઃ પ્રેમિકાને પામવા પત્નીને છૂટાછેડાની ધમકી આપી; સાળાની કરી નાંખી હત્યા

આ વખતે વધુ ગરમી પડવાનું અનુમાન

હવે હવામાન વિભાગે ઉનાળાને લઈને આ વખતે વધારે ગરમી પડવાનું પૂર્વાનુમાન કર્યું છે ત્યારે લોકોએ કાળઝાળ ગરમી (Gujarat heat) માટે તૈયાર રહેવું રહેવું પડશે.

 Follow Gujarat Exclusive on Telegram For Latest News From Gujarat Follow Gujarat Exclusive on WhatsApp For Latest News From Gujarat 

Follow Gujarat Exclusive on Instagram For Latest News From Gujarat  Follow Gujarat Exclusive on Twitter For Latest News From Gujarat