Gujarat Exclusive > The Exclusive > ગુજરાતના વિશ્વ ગૌરવ એશિયાટિક Lionsની વસ્તીમાં 29% વધારો

ગુજરાતના વિશ્વ ગૌરવ એશિયાટિક Lionsની વસ્તીમાં 29% વધારો

0
163
  • Lionsની વસ્તી 523થી વધીને 674 થઇ ગઇ
  • ઘુડખરોની સંખ્યામાં પણ 37 % નીવૃધ્ધિ 

રાજપીપલાઃ ગુજરાત અને ભારતને વિશ્વસ્તરે વન્યપ્રાણી સૃષ્ટિમાં ગૌરવ અપવનારા ગિરના સાવજ એશિયાટિક લાયનની સંખ્યામાં 29 ટકાનો વધારો થયો છે. સિંહો (Lions)ની વસ્તી 523 થી વધીને 674 થઇ છે એટલું જ નહીં, ઘુડખરની વસ્તીમાં પણ 37 % વૃધ્ધિ થવાથી અગાઉની 4403 ઘુડખરની સંખ્યા હવે 6082 થઈ.

મુખ્યમંત્રી વિજય રૂપાણીના અધ્યક્ષસ્થાને યોજાયેલી સ્ટેટ વાઇલ્ડ લાઇફ બોર્ડની 19મી બેઠકમાં ગુજરાતની આ ગૌરવ સિદ્ધિઓની વિગતો સૌ સભ્યોને આપવામાં આવી હતી. વનમંત્રી ગણપતસિંહ વસાવા તથા વન પર્યવારણના અધિક મુખ્ય સચિવ ડો.રાજીવ કુમાર ગુપ્તાની ઉપસ્થિતિમાં મુખ્યમંત્રીએ સ્ટેટ વાઇલ્ડ લાઇફ બોર્ડની આ 19મી બેઠકમાં વિડીયો કોન્ફરન્સના માધ્યમથી રાજ્યની વન્ય સૃષ્ટિ, જંગલ વિભાગના વિવિધ કામોની સમીક્ષા કરી હતી.

Lions

Lions

આ પણ વાંચોઃ એરપોર્ટ ઓથોરિટીનું એવું પગલું જેની તેને કોઈપણ પ્રકારની ઓથોરિટી જ નથી

કચ્છના રણમાં ફ્લેમિંગોનું નેસ્ટિંગ વધ્યુ

આ બેઠકમાં વન્ય પ્રાણી સૃષ્ટિના જતન-સંવર્ધન અંગેની ચર્ચા દરમ્યાન જણાવવામાં આવ્યું કે, આ વર્ષે કચ્છના મોટા રણમાં ફલેમિંગોનું સામૂહિક નેસ્ટિંગ મોટા પ્રમાણમાં નોંધાયું છે. તેમજ ગ્રેટર અને લેસર ફ્લેમિંગોની વસાહત સ્થપાઇ છે અને 1 લાખથી વધારે સંખ્યામાં બચ્ચાં જોવા મળ્યા છે.

જંગલ સફારીને કારણે 1500થી વધુ પશુ-પક્ષી આકર્ષણનું કેન્દ્ર

વડાપ્રધાન નરેન્દ્ર મોદીના ડ્રીમ પ્રોજેક્ટ સ્ટેચ્યુ ઓફ યુનિટી કેવડિયા ખાતે મુખ્યમંત્રીના માર્ગદર્શન અને પ્રેરણાથી વિશ્વની સૌથી ઝડપી જંગલ સફારી સરદાર ઝિઓલોજિકલ પાર્કના નિર્માણ દ્વારા દેશ-વિદેશના 1500 થી વધુ પ્રાણી-પક્ષીઓ પાર્કમાં આકર્ષણ કેન્દ્ર બન્યા છે. ઘુડખરની સંખ્યા 4403 થી વધીને 6082 થઇ કચ્છના મોટા રણમાં ફેલેમિંગોનું સામૂહિક નેસ્ટિંગ -1 લાખથી વધારે સંખ્યામાં બચ્ચાં જોવા મળ્યા.

આ પણ વાંચોઃ પેટાચૂંટણીઃ કોના પાપે કોરોના કાળમાં ચૂંટણીનો ખર્ચ ભોગવશે ગુજરાત

વન્યપાણી સંરક્ષણ અધિનિયમ 1972 ની કલમ 29 હેઠળ વિવિધ હેતુ માટે રક્ષિત વિસ્તારના ઉપયોગ માટે કેટલીક દરખાસ્તો માટે મંજૂરી આપવા આ બેઠકમાં ભલામણ કરવામાં આવેલી જેમાં ઓઇલ એન્ડ ફ્રુડ પાઇપલાઇન, ગેસ પાઇપલાઇન, ઇલેક્ટ્રિક લાઇન, રોડ ટ્રાન્સમીશન લાઇન અને ઓપ્ટીકલ ફાયબર કેબલ નાખવાનો સમાવેશ થાય છે.

આ ઉપરાંત ઇકો સેન્સિટિવ ઝોનમાં ગુજરાત સ્ટેટ પેટ્રોનેટ લીમિટેડ ગાંધીનગરની નેચરલ ગેસ પાઇપલાઇન પ્રોજેક્ટને મંજૂરી માટે ભલામણ કરવામાં આવેલી છે. સ્ટેટ બોર્ડ ઓફ વાઇલ્ડ લાઇફના નોમિનેટ સભ્યો દ્વારા કેટલાક અગત્યના સૂચનો કરવામાં આવ્યા હતા.

Lions

Lions

સિંહો (Lions)ના સ્વાસ્થ્ય માટે કાળજીનો મુદ્દો

બૃહદ ગીરનો મેનેજમેન્ટ પ્લાનમાં સમાવેશ કરવો, સ્ટાફની ભરતી કરવી, સિંહો (Lions)ના સ્વાસ્થ્ય માટે કાળજી લેવા તથા કેવડીયા ખાતે ખૂબ જ ટૂંકા ગાળામાં વૈવિધ્યસભર પ્રવાસન સ્થળે વન અને વન્યજીવનના સંર્વધન અને સંરક્ષણ સાથે વિકાસ કરવામાં આવેલો છે તેની પ્રશંસા કરવામાં આવી હતી.

આ પણ વાંચોઃ ગુજરાતમાં કોંગ્રેસી MLAના રાજીનામાં બાદ ખાલી પડેલી 8 બેઠકો પર 3 નવેમ્બરે By Election