જખૌ પાસે 200 કરોડના ડ્રગ્સના જથ્થા સાથે 6 પાકિસ્તાનીની ધરપકડ, ગુજરાત ATS-કોસ્ટગાર્ડનું સંયુક્ત ઓપરેશન

ગાંધીનગર: ગુજરાતના દરિયા કિનારેથી ફરી એક વખત ડ્રગ્સનો જથ્થો ઝડપાયો છે. 200 કરોડની કિંમતનું 40 કિલો ડ્રગ્સ પકડાયુ છે. ડ્રગ્સ સાથે 6 પાકિસ્તાનીની ધરપકડ કરવામાં આવી છે. ગુજરાત ATS અને કોસ્ટ ગાર્ડે સંયુક્ત ઓપરેશન હાથ ધર્યુ હતુ જેમાં ડ્રગ્સનો આટલો મોટો જથ્થો ઝડપાયો હતો. આ ડ્રગ્સના જથ્થામાં પાકિસ્તાન ટુ પંજાબનું કનેક્શન સામે આવ્યુ છે. ગુજરાતમાં ઉતરતુ ડ્રગ્સ પંજાબની જેલમાંથી મંગાવવામાં આવતુ હોવાનું પ્રાથમિક તપાસમાં જાણવા મળ્યુ છે.

ગુજરાત ATS અને ભારતીય કોસ્ટ ગાર્ડના સંયુક્ત ઓપરેશનમાં ભારતીય જળસીમાની અંદર 6 માઇલ દૂર એક પાકિસ્તાની બોટને 200 કરોડ રૂપિયાની કિંમતના 40 કિલો ડ્રગ્સ સાથે પકડી પાડવામાં આવી હતી. ICGની બે ફાસ્ટ એટેક બોટોએ ગુજરાતના જખૌ કિનારે 33 નોટીકલ માઇલ દૂર પાકિસ્તાની બોટ પકડી હતી.

In joint operation, Indian Coast Guard & Gujarat ATS apprehended a Pakistani boat 6 miles inside Indian waters with 40 kgs of drugs valued at Rs 200 cr. Two fast attack boats of ICG caught Pakistani boat 33 nautical miles off Jakhau coast in Gujarat: ICG officials

— ANI (@ANI) September 14, 2022

ગુજરાતમાં એક વર્ષમાં 6,500 કરોડનું ડ્રગ્સ પકડાયુ

ગુજરાતમાં છેલ્લા એક વર્ષમાં 6,500 કરોડનું ડ્રગ્સ ઝડપાયુ છે. તાજેતરમાં જ ગુજરાત ATS-DRIની ટીમે પશ્ચિમ બંગાળમાં ઓપરેશન ગિયર બોક્સ પાર પાડીને દૂબઇથી આવેલુ 200 કરોડનું હેરોઇન જપ્ત કર્યુ હતુ. કન્ટેઇનરમાં રાખેલા હેવી મેટલ સ્ક્રેપમાં પડેલા 36માંથી 12 ગિયર બોક્સમાં ડ્રગ્સના 72 પેકેટ છુપાવવામાં આવ્યા હતા. યુએઇના દુબઇ સ્થિત બિઝનેસમેને આ કન્ટેઇનર કોલકાતા મોકલ્યાની અને ત્યાથી આ કન્ટેઇનર અન્ય દેશમાં રિ-એક્સપોર્ટ થવાની વિગતો પોલીસને મળી હતી.

અત્યાર સુધી ગુજરાતમાં ઝડપાયેલો ડ્રગ્સનો જથ્થો

• ગુજરાત એટીએસ અને એનસીબી દિલ્હીએ સંયુક્ત ઓપરેશન પાર પાડીને 296 કિલો હેરોઇન પકડ્યુ, 296 કિલો હેરોઇન જખૌ, દિલ્હી અને યુપીના મુઝફ્ફરનગરથી પકડ્યુ

• ગુજરાત એટીએસ અને ડીઆરઆઇએ મુદ્રા પોર્ટ પરથી 205 કિલો હેરોઇનનો જથ્થો પકડ્યો

• ગુજરાત એટીએસ અને ડીઆરઆઇએ પીપાવાવથી 395 કિલો હેરોઇનનો જથ્થો પકડ્યો

• ગુજરાત એટીએસએ દ્વારકાથી 240 કરોડનો 48 કિલો હેરોઇન પકડ્યુ

• ગુજરાત એટીએસ અને પંજાબ પોલીસે સંયુક્ત રીતે મુંદ્રા CSFમાંથી પકડ્યુ ડ્રગ્સ

• મુંદ્રા CSFમાંથી 376 કરોડનો 75.3 કિલો ડ્રગ્સનો જથ્થો કર્યો જપ્ત

• ગુજરાત એટીએસે વડોદરાથી 225 કિલો મેફેડ્રોન ડ્રગ્સનો જથ્થો પકડ્યો

• દિલ્હીથી 20 કરોડની કિંમતનો 4 કિલો ડ્રગ્સનો જથ્થો જપ્ત કર્યો