Covid-19: ભારતમાં આવેલા કોવિડના નવા વેરિએન્ટથી સાવધાન રહેવાની જરૂરત

ગાંધીનગર : કોરોના વાયરસની મહામારીએ સમગ્ર વિશ્વને બદલી નાખ્યું છે. ભારતમાં છેલ્લા કેટલાક મહિનાઓથી જ્યાં લોકોએ માની લીધું હતું કે હવે કોરોના રોગચાળો સંપૂર્ણપણે ખતમ થઈ ગયો છે. તે જ સમયે લોકોના આ વિશ્વાસને નકારીને કોરોનાએ ફરીથી દસ્તક આપી છે. ભારત સહિત સમગ્ર વિશ્વમાં કોરોનાના બે નવા વેરિયન્ટ દેખાયા છે, જે ઓમિક્રોનના સબ-વેરિઅન્ટ છે. આ નવા પેટા વેરિએન્ટના નામ BA.5.1.7 અને BF.7 છે. આ નવા પ્રકારો તદ્દન ચેપી હોવાનું માનવામાં આવે છે અને તહેવાર દરમિયાન કોરોનાના કેસોમાં વધારો થવાની સંભાવના છે.

શું છે ઓમિક્રોન BF.7?

ઓમિક્રોનનો નવો સબ-વેરિએન્ટ BF.7 સૌથી પહેલા નોર્થવેસ્ટ ચીનના મંગોલિયા ઓટોનોમસ રિઝનમાં સામે આવ્યો હતો અને તે જ સબ-વેરિએન્ટ ચીનમાં કોરોનાના વધતા કેસો માટે જવાબદાર છે. ઓમિક્રોનનો આ સબ-વેરિએન્ટ ખુબ જ ઝડપી ફેલાઇ રહ્યો છે અને અમેરિકા, બ્રિટન, ઓસ્ટ્રેલિયા ઉપરાંત બેલ્જિયમમાં પણ આના કેસ જોવા મળ્યા છે.

આ નવા ઓમિક્રોન BF.7ને ઓમિક્રોન સ્પોનના રૂપમાં પણ ઓળખવામાં આવે છે. ભારતમાં પણ ઓમિક્રોન BF.7નો એક કેસ નોંધાયા છે. BF. 7નો આ કેસ ગુજરાત બાયોટેકનોલોજી રિસર્ચ સેન્ટરમાં સામે આવ્યો છે. એવામાં એક્સપર્ટ્સે લોકોને તહેવારો દરમિયાન વિશેષ સાવધાની રાખવાની અપીલ કરી છે.

નિષ્ણાતો કહે છે કે ઓમિક્રોન બી.એફ. 7 વિશે એવી આશંકા વ્યક્ત કરવામાં આવી રહી છે કે આ વેરિઅન્ટ પહેલાથી જ અસ્તિત્વમાં રહેલા વેરિઅન્ટને રિપ્લેસ કરશે.

નિષ્ણાતો કહે છે કે બી.એફ. 7 ચેપ દર ઘણો ઊંચો છે. નિષ્ણાતોએ એમ પણ કહ્યું કે ઓમિક્રોન અને તેના પેટા વેરિઅન્ટના લક્ષણો ખૂબ જ હળવા છે અને ગભરાવાની જરૂર નથી, પરંતુ જે લોકો હૃદય રોગ, કિડનીની બિમારી અને લીવરની બીમારીથી પીડિત છે તેઓ તેના લક્ષણોને ગંભીર બની શકે છે. આવી સ્થિતિમાં ચાલો જાણીએ ઓમિક્રોન સબ-વેરિયન્ટ BF. 7 ના લક્ષણો વિશે-

Omicron BF.7 ના સૌથી સામાન્ય લક્ષણો શું છે?

•  સતત ઉધરસ
• સાંભળવામાં મુશ્કેલ
• છાતીમાં દુખાવો
• ધ્રુજારી
• ગંધમાં ફેરફાર

આ અંગે ચિંતા કરવાની શી જરૂર છે?

નવા પ્રકારો અને પેટા વેરિએન્ટની એન્ટ્રી સાથે જ કોવિડ 19 ના કેસ ઝડપથી વધવા લાગે છે અને નબળી રોગપ્રતિકારક શક્તિ ધરાવતા લોકોમાં ગંભીર લક્ષણો જોવા મળે છે. જ્યારે પણ કોવિડનું નવું વેરિઅન્ટ આવે છે, ત્યારે કોરોનાના કેસ વધવાની શક્યતાઓ વધારે છે. નિષ્ણાતો કહે છે કે તહેવારોની સિઝનમાં મોટાભાગના લોકો ખરીદી માટે બહાર જાય છે જ્યાં સોશિયલ ડિસ્ટન્સિંગના નિયમોનું બિલકુલ પાલન થતું નથી. આ સાથે લોકો માસ્ક વિના મુસાફરી કરે છે, જેના કારણે આ સમય દરમિયાન કોવિડના કેસ ઝડપથી વધવા લાગે છે.

નિષ્ણાતો કહે છે કે તહેવારોની સિઝનમાં માસ્ક પહેરવાથી લઈને સોશિયલ ડિસ્ટન્સિંગ સુધી તમામ પ્રકારની સાવચેતી રાખવી જરૂરી છે. આ સાથે એ મહત્વનું છે કે તમે ભીડવાળા વિસ્તારોમાં જવાનું ટાળો અને કામ વગર બજારમાં ન જાઓ.

આ નવા સબ-વેરિયન્ટ સાથે સંકળાયેલી ચિંતાઓ શું છે?

ઓમિક્રોનનું આ પેટા પ્રકાર અગાઉના ચેપ અથવા રસીકરણ દ્વારા બનાવેલ એન્ટિબોડીઝને સરળતાથી થાપ આપી શકે છે. આ સંદર્ભમાં આ નવું સબ-વેરિઅન્ટ અગાઉના તમામ વેરિએન્ટ કરતાં વધારે ઝટીલ હોવાથી એન્ટીબોડીને પણ ચકમો આપી દે છે.

નેશનલ ટેકનિકલ એડવાઈઝરી ગ્રુપ ઓફ ઈમ્યુનાઈઝેશન (NTAGI)ના ચેરમેન ડૉ. એન.કે. અરોરાએ કહ્યું કે આવનારા બેથી ત્રણ અઠવાડિયા નિર્ણાયક હશે. કોવિડ 19 હજી પણ આપણી આસપાસ છે, અને વિશ્વના વિવિધ ભાગોમાં નવા પ્રકારો ઉભરી રહ્યા છે. તે નિશ્ચિત છે કે આપણે પણ આનાથી બાકાત રહી શકીએ નહીં. આવી સ્થિતિમાં તહેવારોની સિઝનમાં તમે સાવચેત રહો અને તમામ જરૂરી સાવચેતીઓનું પાલન કરો તે મહત્વપૂર્ણ છે.