Gujarat Exclusive > દેશ-વિદેશ > કોવિડ-19: ભારતમાં 55.4%ના ઉછાળા સાથે 58,097 નવા કેસ, સક્રિય દર્દીઓ 2 લાખને પાર

કોવિડ-19: ભારતમાં 55.4%ના ઉછાળા સાથે 58,097 નવા કેસ, સક્રિય દર્દીઓ 2 લાખને પાર

0
1

ભારતમાં બુધવારે કોરોના વાયરસના નવા કેસોમાં તીવ્ર ઉછાળો આવ્યો હતો. છેલ્લા 24 કલાકમાં 55.4 ટકાના ઉછાળા સાથે કોવિડ-19ના 58,097 નવા કેસ નોંધાયા છે. આ સાથે જ સંક્રમિતોની કુલ સંખ્યા 35,018,358 પર પહોંચી ગઈ છે. સક્રિય દર્દીઓની સંખ્યા પણ 2 લાખને વટાવી ગઈ છે.

હાલમાં સમગ્ર દેશમાં સક્રિય કેસની કુલ સંખ્યા 214,004 છે. જ્યારે એક દિવસમાં 15,389 લોકો કોરોનાથી સાજા થયા છે, અત્યાર સુધીમાં કુલ 34,321,803 લોકોએ કોરોનાને માત આપી છે. દેશમાં રિકવરી રેટ હાલમાં 98.01 ટકા છે.

મૃત્યુના આંકડા વિશે વાત કરીએ તો છેલ્લા 24 કલાકમાં કોરોના ચેપને કારણે 534 લોકોએ પોતાનો જીવ ગુમાવ્યો છે. જેમાં કેરળમાં જૂના મૃત્યુઆંક 432 થઈ ગયો છે. કોરોનાને કારણે અત્યાર સુધીમાં કુલ 482,551 લોકોના મોત થયા છે.

ભારતમાં ઓમિક્રોનના દર્દીઓની સંખ્યા બે હજારને વટાવી ગઈ છે. અત્યાર સુધીમાં કુલ 2,135 કેસ નોંધાયા છે. આ તમામ મામલા 24 રાજ્યોમાંથી સામે આવ્યા છે. મહારાષ્ટ્રમાં સૌથી વધુ 653 કેસ છે અને દિલ્હીમાં 464 કેસ છે. જોકે, આમાંથી 828 ઓમિક્રોન દર્દીઓ સાજા પણ થયા છે.

 Follow Gujarat Exclusive on Telegram For Latest News From Gujarat Follow Gujarat Exclusive on WhatsApp For Latest News From Gujarat 

Follow Gujarat Exclusive on Instagram For Latest News From Gujarat  Follow Gujarat Exclusive on Twitter For Latest News From Gujarat