રામ મંદિર પર આતંકી હુમલાનું ષડયંત્ર, જાસુસી એજન્સીઓને મળ્યા ઇનપુટ

નવી દિલ્હી: રામનગરી અયોધ્યામાં નિર્માણાધીન શ્રીરામ મંદિરને લઇને દેશની જાસુસી એજન્સીઓએ એલર્ટ આપ્યુ છે. જાસુસી એજન્સીઓને રામ મંદિર પર આતંકી હુમલાના ઇનપુટ મળ્યા છે. આશંકા છે કે પાકિસ્તાનમાં સક્રિય આતંકી સંગઠન જૈશ એ મોહમ્મદના સક્રિય સભ્ય સુસાઇડ એટેક કરી શકે છે.

ઇનપુટ અનુસાર આતંકી નેપાળના રસ્તે ભારતમાં પ્રવેશ કરશે અને શ્રીરામ મંદિર પર હુમલાનો પ્રયાસ કરશે. આ ઇનપુટ બાદ અયોધ્યા પોલીસ અને શ્રીરામ મંદિરની સુરક્ષામાં લાગેલા કેન્દ્રીય સુરક્ષા દળોને હાઇએલર્ટ કરી દેવામાં આવ્યા છે.

નેપાળના રસ્તે ભારતમાં ઘટનાને અંજામ આપવાની યોજના

જાસુસી એજન્સીઓ તરફથી મળેલા ઇનપુટ અનુસાર આતંકી સંગઠન નેપાળના રસ્તે ભારતમાં કોઇ મોટી ઘટનાને અંજામ આપવાની યોજના બનાવી રહ્યા છે. આતંકીઓ વચ્ચે થયેલી વાતચીતને ટેપ કર્યા બાદ તેનો ખુલાસો થયો છે. જેમાં ખબર પડે છે કે આગામી કેટલાક દિવસમાં આતંકી શ્રીરામ મંદિર પર હુમલાની યોજના બનાવી રહ્યા છે.

સુસાઇડ એટેક કરવામાં આવી શકે છે

જાસુસી એજન્સીઓને મળેલી જાણકારી અનુસાર આ હુમલો સુસાઇડ એટેકના રૂપમાં હોઇ શકે છે. આ ઇનપુટમાં કહેવામાં આવ્યુ છે કે ઘટનાને અંજામ આપવા માટે આતંકીઓની એક ટુકડીને નેપાળના રસ્તે ભારતમાં દાખલ કરાવવામાં આવશે. જે ગોરખપુરના રસ્તે અયોધ્યા પહોચશે.

જાન્યુઆરી 2024માં રામલલા ગર્ભગૃહમાં બિરાજમાન થશે

અયોધ્યામાં બની રહેલા શ્રીરામ મંદિરનું નિર્માણ કાર્ય લગભગ 60 ટકા પૂર્ણ થઇ ગયુ છે. ટ્રસ્ટના મહાસચિવ ચંપત રાય અનુસાર આ વર્ષે ઓક્ટોબર સુધી મંદિરના પ્રથમ તલનું નિર્માણ કાર્ય પૂર્ણ થઇ જશે. આવતા વર્ષે 2024માં મકર સંક્રાંતિ સુધી મંદિરના ગર્ભગૃહમાં ભગવાન રામના બાલ સ્વરૂપની પ્રતિમામાં પ્રાણ પ્રતિષ્ઠા કરવામાં આવશે. તૈયારીને જોતા માનવામાં આવે છે કે પ્રાણ પ્રતિષ્ઠાનું કામ એક જાન્યુઆરીથી 14 જાન્યુઆરી વચ્ચે થશે.

ઇનપુટ બાદ કેન્દ્રીય સુરક્ષા દળ- યુપી પોલીસ એલર્ટ

નિર્માણ સ્થળ પર ઝડપથી ચાલી રહેલા કાર્ય વચ્ચે ઇનપુટ બાદ યુપી પોલીસ એલર્ટ થઇ ગઇ છે. નિર્માણાધીન મંદિર પરિસરમાં કેન્દ્રીય સુરક્ષા દળના ઘરેમાં નિર્માણ કામ ચાલુ છે. અયોધ્યામાં સુરક્ષાને લઇને પહેલાથી જ પોલીસ સાવચેત રહે છે, બીજી તરફ આ ઇનપુટ બાદ વધુ સાવચેતી રાખવામાં આવી રહી છે.