Gujarat Exclusive > રાજનીતિ > પોડિંચેરી ગુમાવવા સાથે સમગ્ર દક્ષિણ ભારતમાંથી કોંગ્રેસના સૂપડા સાફ, હવે માત્ર આ રાજ્યોમાં જ બચી સરકાર

પોડિંચેરી ગુમાવવા સાથે સમગ્ર દક્ષિણ ભારતમાંથી કોંગ્રેસના સૂપડા સાફ, હવે માત્ર આ રાજ્યોમાં જ બચી સરકાર

0
45

નવી દિલ્હી: પોંડિચેરીમાં કોંગ્રેસની સરકાર પડી ગઈ છે. સોમવારે ફ્લોર ટેસ્ટમાં મુખ્યમંત્રી વી નારાયણસામી હારી ગયા છે. નારાયણસામીએ ઉપરાજ્યપાલ તમિલિસાઈ સૌદરરાજન સાથે મુલાકાત કરીને પોતાનું રાજીનામું સોંપી દીધુ છે. કોંગ્રેસના ધારાસભ્ય કે લક્ષ્મીનારાયણ અને DMK ધારાસભ્ય વેકટેશનને રવિવારે રાજીનામું આપ્યા બાદ 33 સભ્યો ધરાવતી વિધાસભામાં કોંગ્રેસ-DMK ગઠબંધનના ધારાસભ્યોની સંખ્યા ઘટીને 11 થઈ ગઈ હતી. જ્યારે વિપક્ષ પાસે 14 ધારાસભ્યોનું સંખ્યાબળ હતું. Congress Crisis 

પોંડિચેરીમાં સરકાર તૂટ્યા બાદ કોંગ્રેસનો દક્ષિણ ભારતમાંથી સફાયો થઈ ગયો છે. બે વર્ષ પહેલા જ કર્ણાટકમાં કોંગ્રેસનો પરાજય થયો હતો. હવે પાર્ટીએ પોંડિચેરીમાં પણ પણ સત્તા ગુમાવી દીધી છે. એક જમાનો હતો, જ્યારે દક્ષિણ ભારત કોંગ્રેસનો ગઢ ગણાતો હતો. જો કે હવે તસ્વીર બદલાઈ રહી છે. તો ચાલો એક નજર નાંખીએ હવે ક્યાં રાજ્યોમાં કોંગ્રેસની સરકાર બચી છે.

હવે આ 5 રાજ્યોમાં જ કોંગ્રેસની સરકાર Congress Crisis 
વર્ષ 2014ની લોકસભા ચૂંટણીમાં ભાજપની સામે કારમા પરાજય બાદ કોંગ્રેસ સતત નબળી પડતી જઈ રહી છે. કેટલાક રાજ્યોમાં પાર્ટીએ જરૂર સારુ પ્રદર્શન કર્યું છે, પરંતુ જો સમગ્ર દેશના દ્રશ્ય પર નજર નાંખીએ તો, કોંગ્રેસ સતત પાછળ પડતી જઈ રહી છે. હવે માત્ર 5 રાજ્યોમાં કોંગ્રેસની સરકાર બચી ગઈ છે. આ રાજ્યોમાં પંજાબ, છત્તીસગઢ, રાજસ્થાન. જ્યારે મહારાષ્ટ્ર અને ઝારખંડમાં કોંગ્રેસ ગઠબંધનમાં સામેલ છે.

આ પણ વાંચો: BJP સાંસદ મનસુખ વસાવા ભાજપના પોપટ છે: BTP MLA છોટુ વસાવા Congress Crisis 

આ રાજ્યોમાં કોંગ્રેસે સત્તા ગુમાવી Congress Crisis 
મધ્ય પ્રદેશમાં કોંગ્રેસે 15 વર્ષ બાદ સત્તા હાંસલ કરી હતી, પરંતુ માત્ર 15 મહિના બાદ જ સરકાર પડી ભાંગી હતી. જ્યોતિરાદિત્ય સિંધિયા ભાજપમાં સામેલ થતાં જ 25 ધારાસભ્યોએ રાજીનામાં આપી દીધા હતા. જે બાદ એક વખત ફરીથી શિવરાજ સિંહ મુખ્યમંત્રી બની ગયા.

આવી જ રીતે જુલાઈ 2019માં કર્ણાટકમાં કોંગ્રેસ અને જનતા દળ સેક્યુલરના ગઠબંધનમાં રહેલા 17 ધારાસભ્યોએ રાજીનામાં આપી દીધા હતા. જે બાદ અહીં પણ સરકાર અલ્પમતમાં આવી ગઈ હતી.

5 રાજ્યોની ચૂંટણીમાં કોંગ્રેસ માટે પડકાર Congress Crisis 
આ વર્ષે એપ્રિલ-મે મહિનામાં પશ્ચિમ બંગાળ, તમિલનાડુ, કેરળ, અસમ અને પોંડિચેરીમાં વિધાનસભા ચૂંટણી થવા જઈ રહી છે. જેમાં કોંગ્રેસ માટે જીત મેળવવી એક મોટો પડકાર હશે. બંગાળમાં આ વખતે ભાજપ અને તૃણમૂલ કોંગ્રેસ વચ્ચે ખરાખરીને જંગ છે. અહીં કોંગ્રેસ પાર્ટી લેફ્ટ સાથે ગઠબંધનમાં છે. બીજી તરફ તમિલનાડુમાં કોંગ્રેસ DMK સાથે ગઠબંધન કરીને સત્તામાં આવવાનો પ્રયત્ન કરશે. કેરળ અને અસમમાં પણ કોંગ્રેસ માટે રાહ આસાન નહીં રહે.

 Follow Gujarat Exclusive on Telegram For Latest News From Gujarat Follow Gujarat Exclusive on WhatsApp For Latest News From Gujarat 

Follow Gujarat Exclusive on Instagram For Latest News From Gujarat  Follow Gujarat Exclusive on Twitter For Latest News From Gujarat