યુપી ન્યૂઝઃ તમે ફિલ્મ નાગિન અને નગીના જોઈ જ હશે. આ સિવાય તમે સાપ સાથે જોડાયેલી ઘણી વાર્તાઓ પણ સાંભળી હશે. જ્યારે સાપ બદલો લેવાનું ધારે છે તો તમામ મુશ્કેલીઓ છતાં પણ પોતાના દુશ્મનને શોધીને તેને મોતને ઘાટ ઉતારી દે છે. અત્યાર સુધી આપણને આવી સ્ટોરીઓ બોલીવૂડ સહિત અનેક અન્ય રીતે સાંભળી છે.
Advertisement
Advertisement
પરંતુ વાસ્તવિક જીવનમાં આગ્રામાં કંઈક આવું જ થઈ રહ્યું છે. સાપે યુવકને એક-બે વાર નહીં પરંતુ આઠ વખત ડંખ માર્યો છે. છેલ્લા 16-17 દિવસમાં સાપે યુવકને આઠ વખત ડંખ મારતા આતંક ફેલાઇ ગયો છે. આ મામલો આગ્રાના દક્ષિણ બાયપાસ પર સ્થિત માલપુરા પોલીસ સ્ટેશનના માંકેડા ગામનો છે. ગામમાં રહેતા 20 વર્ષીય યુવક રજત ચાહરનો એક સાપ કોઈ જાની દુશ્મનની જેમ પીછો કરી રહ્યો છે. રજત ગ્રેજ્યુએટ વિદ્યાર્થી છે.
રજત તેના રૂમમાં સૂતો હતો. સવારે 2 વાગ્યાની આસપાસ રજતની ચીસો સાંભળીને પરિવારના સભ્યો ગભરાઈને જાગી ગયા હતા. જ્યારે તે રજતના રૂમમાં પહોંચ્યો ત્યારે તેણે જોયું કે રજતના પગમાંથી લોહી નીકળતું હતું અને રજત ખરાબ રીતે રડી રહ્યો હતો. પૂછવા પર તેણે કહ્યું કે સાપે ફરી એકવાર રજતને તેના પગમાં ડંખ માર્યો છે. સાપ કરડતાં પરિવારમાં ડરનો માહોલ ફેલાઇ ગયો હતો.. પ્રાથમિક સારવાર બાદ રજતની સ્થિતિમાં સુધારો થયો હતો.
જણાવી દઈએ કે 6 સપ્ટેમ્બરે રજતને પહેલીવાર સાપે ડંખ માર્યો હતો. ત્યારથી દર 2-3 દિવસે પછી સતત સાપ રજતને નિશાનો બનાવ્યો છે. 16-17 દિવસમાં સાંપે રજતને 8 વખત કરડ્યો છે. સૌથી મોટી વાત એ છે કે આટલી કાળજી રાખ્યા પછી પણ સાપ ક્યાંથી આવે છે અને ક્યાં જાય છે તેની કોઈને ખબર પડી રહી નથી. હાલમાં રજત અને તેને સાપ કરડવાની આ ઘટના લોકોમાં કુતૂહલનો વિષય બની છે. ગ્રામજનોના જણાવ્યા મુજબ સર્પદંશથી છુટકારો મેળવવા માટે જ તંત્ર મંત્રનો સહારો લેવામાં આવી રહ્યો છે.
Advertisement