અર્થશાસ્ત્રના ક્ષેત્રમાં બેન બર્નાનકે, ડગલ ડાયમંડ અને ફિલિપ ડાયબવિગને મળ્યો નોબેલ પુરસ્કાર

નવી દિલ્હી: નોબેલ સમિતિએ સોમવારે અર્થશાસ્ત્રના ક્ષેત્રમાં પણ નોબેલ પુરસ્કારની જાહેરાત કરી દીધી છે. આ હેઠળ બેન એસ બર્નાનકે (Ben S Bernanke), ડગલસ ડબ્લ્યૂ ડાયમંડ (Douglas Diamond) અને ફિલિપ એચ ડાયબવિગ (Philip H Dybvig)ના નામની જાહેરાત થઈ. આ ત્રણેય અર્થશાસ્ત્રીઓને સંયુક્ત રૂપથી આ પુરસ્કાર માટે પસંદગી કરવામાં આવી છે. ઈકોનોમિક્સના ક્ષેત્રમાં ‘બેંકો પર શોધ’, ‘નાણાકીય સંકટ’ માટે આ ત્રણેયને દુનિયાનું સૌથી સન્માનિત પુરસ્કારથી નવાજવામાં આવશે.

મીડિયા રિપોર્ટ અનુસાર સમિતિએ કહ્યું છે કે, ત્રણેય પુરસ્કાર વિજેતાઓને ખાસ રીતે નાણાકીય સંકટ દરમિયાન અર્થવ્યવસ્થામાં બેંકોની ભૂમિકા અંગે આપણી સમજમાં ઘણો બધો સુધાર કર્યો છે. તેમના દ્વારા રિસર્ચ કરવામાં આવેલ શોધમાં એક મહત્વપૂર્ણ જાણકારી છે કે બેંકોને પતનથી બચાવવી કેમ જરૂરી છે. જણાવી દઈએ કે અર્થશાસ્ત્રના ક્ષેત્રમાં નોબેલ પુરસ્કાર પ્રથમ વિજેતા વર્ષ 1969માં પસંદ કરવામાં આવ્યો હતો. વર્ષ 2021માં અર્થશાસ્ત્રનો નોબેલ ડેવિડ કાર્ડ અને જોશુઆ એગ્રિસ્ટર અને ગુઇડો ઈબેન્સને આપવામાં આવ્યો હતો. ડેવિડ કાર્ડને આ પુરસ્કાર તેમના શોધ ન્યૂનત્તમ મજૂરી, ઇમિગ્રેશન અને શિક્ષા જેવા શ્રમ બજારને પ્રભાવિત કરવાને લઇને આપવામાં આવ્યો હતો.

સ્ટોકહોમમાં રોયલ સ્વીડિશ એકેડમી ઓફ સાયન્સમાં નોબેલ સમિતિએ સોમવારે બેન એસ બર્નાન્કે, ડગલસ ડબ્લ્યૂ ડાયમંડ અને ફિલિપ એચ ડાયબવિગને અર્થશાસ્ત્રનો નોબેલ પુરસ્કાર આપવાની જાહેરાત કરી. આ પુરસ્કાર હેઠળ એક કરોડ સ્વીડિશ ક્રોનર (લગભગ 9 લાખ અમેરિકન ડોલર)નો રોકડ પુરસ્કાર આપવામાં આવશે. પુરસ્કાર 10 ડિસેમ્બરે પ્રદાન કરવામાં આવશે. અન્ય નોબેલ પુરસ્કારોના વિપરીત, અર્થશાસ્ત્રના પુરસ્કારનો ઉલ્લેખ અલ્ફ્રેડ નોબેલની 1895ની વસીયતમાં નહતો, પરંતુ આ પુરસ્કારની શરૂઆત તેમની સ્મૃતિમાં સ્વીડનની કેન્દ્રીય બેંકે કરી હતી.