Gujarat Exclusive > ગુજરાત > દક્ષિણ ગુજરાત > પીએમ અને ભાજપ સામે અભદ્ર ટિપ્પણી કરનાર રત્નકલાકારની ધરપકડ

પીએમ અને ભાજપ સામે અભદ્ર ટિપ્પણી કરનાર રત્નકલાકારની ધરપકડ

0
109

સોશિયલ મીડિયા પર વડાપ્રધાન મોદી વિરૂધ્ધમાં ટીપ્પણી કરનાર આરોપીને સુરત શહેર પોલીસની સાઇબર ક્રાઈમ સેલના અધિકારીઓએ ઝડપી પડ્યો છે. જેમાં વડાપ્રધાન મોદીના પદ પ્રતિષ્ઠાને હાનિ પહોંચાડવાના ઇરાદે બનાવટી ઇલેક્ટ્રોનીક રેકર્ડ બનાવી ભાજપ વિરૂધ્ધમાં અભદ્ર શબ્દનો ઉપયોગ કરી સોશિયલ મીડિયા પર પોસ્ટ કર્યો હતો.

સાઇબર સેલના એસીપી યુવરાજસિંહ ગોહિલે જણાવ્યું હતું કે અરવિંદ ઉર્ફે એ. કે. પટેલ કાનજીભાઇ વઘાસીયાએ ગત 7 માર્ચથી 19 માર્ચ અને 23 માર્ચના રોજ A K Patel નામના સોશિયલ મીડિયામાં એકાઉન્ટમાંથી વડાપ્રધાન નરેન્દ્ર મોદીના પદ પ્રતિષ્ઠાને હાનિ પહોંચાડવા માટે ખોટા આધાર પુરાવા બનાવી તેનો ઇલેક્ટ્રોનીક રેકર્ડ બનાવ્યો હતો.

આ ઉપરાંત  ભારતીય જનતા પાર્ટી વિરૂધ્ધમાં અભદ્ર શબ્દનો ઉપયોગ કરી પોસ્ટ સોશિયલ મીડિયામાં વાઇરલ કરી હતી. જેને પગલે સાયબર ક્રાઇમમાં કલમ-469, 504, 500 મુજબનો ગુનો દાખલ કરાયો હતો. સુરત શહેર સાયબર સેલે લોકોને ચીમકી આપતાં જણાવ્યું હતું કે પોલીસ દ્વારા સતત સોશિયલ મીડિયા ઉપર વોચ રાખવામાં આવી રહી છે. જો આવા પ્રકારે મેસેજ બનાવવામાં આવશે અને કોઈપણ પ્રકારની તપાસ કર્યા વગર સોશિયલ મીડીયા ઉપર પોસ્ટ કરવામાં આવશે તો તેમની સામે કાયદાકીય કાર્યવાહી કરવામાં આવશે.

 Follow Gujarat Exclusive on Telegram For Latest News From Gujarat Follow Gujarat Exclusive on WhatsApp For Latest News From Gujarat 

Follow Gujarat Exclusive on Instagram For Latest News From Gujarat  Follow Gujarat Exclusive on Twitter For Latest News From Gujarat