Gujarat Exclusive > ગુજરાત > મધ્ય ગુજરાત > મોતીયાના ઓપરેશનનો વધુ એક મામલો કોર્ટમાં પહોંચ્યો

મોતીયાના ઓપરેશનનો વધુ એક મામલો કોર્ટમાં પહોંચ્યો

0
117
  • બન્ને દાવામાં બાકીની રકમ વાર્ષિક 8 ટકા વ્યાજ સાથે ચુકવવાનો ગ્રાહક કોર્ટનો હુક્મ

  • સ્ટાન્ડર્ડ રેટ માટે કોઇ ફોર્મ્યુલા નથી : કોર્ટનું અવલોકન

અમદાવાદ: મેડિકલેઇમ 3 લાખનો હોવા છતાં બંને આંખમાં મોતિયાના ઓપરેશન બદલની રકમ ચૂકવવા બાબતે વિવાદ થયો હતો. છેવટે આ આખોય મામલો ગ્રાહક કોર્ટમાં પહોંચ્યો હતો. અમદાવાદ શહેર (એડીશનલ) ગ્રાહક ફોરમના પ્રમુખ કે.એસ. પટેલ તથા સભ્યો કે.પી. મહેતા તથા એચ.જે. ધોળકીયાએ ફરિયાદીની બંને ફરિયાદો મંજુર કરીને બે દાવામાં વીમા કંપનીએ નહી ચૂકવેલી રૂ. 33,050 અને બીજા કેસમાં 30,659ની રકમ 2018થી ચુકવે ત્યાં સુધી 8 ટકાના વ્યાજ સાથે ચુકવવા નેશનલ ઇન્સ્યોરન્સ કંપનીને હુક્મ કર્યો છે. તેની સાથે ફરિયાદીને માનસિક ત્રાસ તથા ખર્ચ પેટે પણ રકમ ચૂકવવાનો આદેશ આપ્યો છે.

શહેરના વસ્ત્રાપુર સ્થિત પ્રેમચંદનગર રોડ પરના બાલાજી એવન્યુમાં રહેતાં સંગીતાબેન પટેલે નેશનલ ઇન્સ્યોરન્સ કંપની લિમિટેડ પાસેથી 8/5/2017ના રોજ એક વર્ષ માટે 3,45,000ની મેડિક્લેઇમ પોલીસી લીધી હતી. દરમિયાનમાં તેમની બંને આંખે મોતિયો હોવાથી તેમણે તબક્કાવાર ડો. જૈનિલ શાહ પાસે ડાબી અને જમણી આંખના મોતિયાંનું ઓપરેશન કરાવ્યું હતું. જેમાં ડાબી આંખમાં 58,050 તથા જમણી આંખમાં ઓપરેશનનો ખર્ચ થયો હતો. તો ડાબી આંખના ઓપરેશનનો 58,050નો ખર્ચ થયો હતો. જેમાંથી વીમા કંપનીએ રૂ. 58,050માંથી વીમા કંપનીએ રૂ. 33,050ની રકમ કાપીને માત્ર 25,000 રૂપિયાની રકમ ચુકવી હતી. તે જ રીતે જમણી આંખના ઓપરેશનના 55,659 રૂપિયા ચૂકવ્યા હતા. તેમાંથી કંપનીએ 30,659 રૂપિયા કાપીને માત્ર 25 હજાર રૂપિયા જ ચૂકવ્યા હતા. આમ બંને કલેઇમમાં રકમ કાપી લીધી હોવાથી સંગીતાબેને ગ્રાહક સુરક્ષા અને પગલાં સમિતિમાં ફરિયાદ કરી હતી. આ ફરિયાદના આધારે ગ્રાહક સુરક્ષા અને પગલાં સમિતિના પ્રમુખ મુકેશ પરીખે અલગ અલગ બે દાવા ગ્રાહક કોર્ટમાં કર્યા હતા.

આ પણ વાંચો: ધોરણ 1થી 8ના માસ પ્રમોશનને લઇને રાજ્ય શિક્ષણ વિભાગે કરી સ્પષ્ટતા

તમામ પક્ષકારોની રજૂઆત બાદ ગ્રાહક તકરાર અને નિવારણ કમિશને ઉપરોક્ત હુક્મ કરતાં ચુકાદામાં નોંધ્યું હતું કે, વીમા કંપની મેડિકલ ખર્ચાઓના વળતરમાં કાપકૂપ કરવાના મુદ્દે તેમ જ અધુરી રકમ ચુકવવા બાબતે સંતોષજનક પુરાવા અને કારણો આપી શકી નથી. સ્ટાન્ડર્ડ રેટ માટે કોઇ ફોર્મ્યુલા નથી. પ્રત્યેક હોસ્પિટલ અને ડોકટરો પોતાની કુશળતા અને વ્યવસાયિક અનુભવ અને નિષ્ણાંતતા અને હોસ્પિટલની માળખાકીય સુવિધાના આધારે ઠરાવેલા નિશ્ચિત ચાર્જીસ વસૂલ કરે છે. રીઝનેબલ અને કસ્ટમરીના નામે વીમા કંપનીએ ડિડકશન ખોટી રીતે કર્યું છે.

આ પણ વાંચો: રાજ્યમાં શાળા ફરી શરૂ કરવા અંગે શિક્ષણમંત્રીએ આપ્યા મોટા સંકેત

આ અંગે ગ્રાહક સુરક્ષા અને પગલાં સમિતિના (અખિલ ભારતીય) પ્રમુખ મુકેશ પરીખે જણાવ્યું છે કે, વીમા કંપનીઓ સામે ગ્રાહક કમીશનમાં દરરોજ સરેરાશ 10 ફરિયાદો દાખલ થાય છે. ગ્રાહક કોર્ટમાં સૌથી વધુ ફરિયાદો હેલ્થ ઇન્સ્યોરન્સમાં વીમા કંપનીઓ દ્વારા દાવો નકારવા બાબતે અથવા પોલીસી ધારક દર્દીને અધૂરી કે અપુરતી રકમ આપવા સામે કાનૂની લડત આપવામાં આવે છે. હજારો દર્દીઓની વીમા કંપનીઓ સામે ફરિયાદો છે. જાગ્રુત ફરિયાદી ગ્રાહકોને વળતર અને ન્યાય મળે છે.