Gujarat Exclusive > ગુજરાત > મધ્ય ગુજરાત > સીજી રોડ મ્યુનિ. માર્કેટ પાસે માસ્કના દંડ મામલે પોલીસ સાથે ઝપાઝપી: 3 ઝબ્બે, 2 ફરાર

સીજી રોડ મ્યુનિ. માર્કેટ પાસે માસ્કના દંડ મામલે પોલીસ સાથે ઝપાઝપી: 3 ઝબ્બે, 2 ફરાર

0
205

અમદાવાદ: શહેરના નવરંગપુરા ખાતે સીજી રોડના મ્યુન્સિપલ માર્કેટ પાસે પોલીસ જોડે માસ્કના દંડ મામલે પ્રજાસતાક દિવસે (Republic Day) મંગળવારે સાંજે 5 શખ્સે ઝપાઝપી કરી હતી. આ દરમિયાન પેટ્રોલિંગમાં નીકળેલી મોબાઈલ ટુ વાન પોલીસ જવાનોની મદદે આવતા પિતા-પુત્ર સહિત 3 જણા પકડાયા હતા. જ્યારે 2 શખ્સ ફરાર થઈ ગયા હતા. નવરંગપુરા પોલીસે (Navrangpura Police) પાંચ આરોપી વિરુદ્ધ ગુનો નોંધી તપાસ હાથ ધરી છે.

નવરંગપુરા પોલીસ (Navrangpura Police) સ્ટેશનના હેડ કોન્સ્ટેબલ ઘનશ્યામભાઈ ભગવાનભાઈ સ્ટાફના માણસો સાથે મંગળવારે સાંજે 5.30 વાગ્યે સીજી રોડ પર મ્યુનિસિપલ માર્કેટ પાસે પેટ્રોલિંગમાં હતા. આ દરમિયાન એમ.એમ.માર્કેટના ઈન ગેટ પાસે ફૂટપાથ પર 5 વ્યક્તિ ઉભી હતી. જેમાંથી ત્રણ જણાએ માસ્ક ન પહેર્યું હોવાથી પોલીસે માસ્કનો દંડ ભરવા ત્રણે વ્યક્તિને જણાવ્યું હતું.

દંડ ભરવાનું કહેતા ઉશ્કેરાયેલા પાંચે જણાએ પોલીસને કહેવા લાગ્યા કે તમે લોકો પાસેથી ખોટી રીતે દંડ ઉઘરાવો છો. પોલીસે દંડના મેમોની પહોંચ પણ આઓવામાં આવશે તેમ જણાવતા પાંચે જણાએ દંડ ભરવા ઇન્કાર કર્યો હતો. પોલીસે દંડ ના ભરવો હોય તો પોલીસ સ્ટેશન ચાલો તેમ કહેતા પાંચે વ્યક્તિએ ઝપાઝપી કરી બુમો પાડી લોકોના ટોળાં એકત્ર કર્યા હતા.

આ પણ વાંચો: અમદાવાદ મણિનગર રેલ્વે ફાટક પર ટ્રેનની ટક્કરથી આનંદનિકેતન સ્કૂલના વિદ્યાર્થીનું મોત

આ દરમિયાન નવરંગપુરા ટુ મોબાઈલ સ્થળ પરથી પસાર થતા મદદે આવી પહોંચી હતી. પોલીસે બળપ્રયોગ કરી ત્રણ આરોપીને સરકારી વાનમાં બેસાડી દીધા જ્યારે બે આરોપી ધક્કામુક્કી કરી ફરાર થઈ ગયા હતા.

પોલીસે ઝબ્બે કરેલા આરોપીના નામ આકાશ નિતિન પટેલ (રહે, સૂર્યાન્સ એલીગન્સ,શીલજ) મહેન્દ્ર અમરત પટેલ (ઉં,45) અને તેમનો પુત્ર જયકુમાર (ઉં,22) (બંને રહે, એલેનજાગ્રીન, સાઉથ બોપલ) હોવાનું જાણવા મળ્યું હતું. જ્યારે ફરાર થઈ ગયેલા આરોપીમાં જયમીન પ્રકાશ પટેલ (ઉં,28) (રહે, ઘાટલોડિયા) અને ધર્મેશ બિપિન પટેલ (ઉં,29) (રહે, એલેનજાગ્રીન, સાઉથ બોપલ) નો સમાવેશ થાય છે.

નવરંગપુરા પોલીસે (Navrangpura Police) પાંચે આરોપી વિરુદ્ધ ગુનો નોંધી ફરાર થઈ ગયેલા આરોપીની શોધખોળ હાથ ધરી છે. આ બનાવને પગલે સીજી રોડ પર લોકોના ટોળાં એકત્ર થઈ ગયા હતા.તમામ આરોપીઓએ પોલીસ સાથે ઝપાઝપી કરી ભાગવાનો પ્રયાસ કર્યો હતો.

https://chat.whatsapp.com/ELSNNKbgp0tBaAC4irblG9