Gujarat Exclusive > ગુજરાત > મધ્ય ગુજરાત > આસારામ પછી નારાયણ સાંઈના જામીન ગુજરાત હાઈકોર્ટે નામંજૂર કર્યા

આસારામ પછી નારાયણ સાંઈના જામીન ગુજરાત હાઈકોર્ટે નામંજૂર કર્યા

0
415

દેશમાં વધી રહેલા કોરોના વાયરસનો કહેર શહેરો બાદ ધીમે ધીમે હલે જેલમાં પણ જોવા મળી રહ્યો છે. અમદાવાદ શહેરમાં આવેલી સાબરમતી સેન્ટ્રલ જેલમાં કોરોના વાયરસની ચપેટમાં ઘણા એવા કેદીઓ આવી જતા તંત્રમાં ચિંતા જોવા મળી રહી છે. આ રોગથી બચવા માટે કેદીઓ બહાર આવવા માટે જામીનની અરજીઓ કરી રહ્યા છે. ત્યારે શહેરમાં ભારે ચકચાર મચાનવારા દુષ્કર્મ કેસના આરોપી નારાયણ સાંઈએ પણ ગુજરાત હાઈકોર્ટમાં હંગામી જામીનની માંગ કરી હતી. ત્યારે ગુજરાત હાઈકોર્ટે દ્વારા આસારામની જેમ પુત્ર નારાયણ સાંઈના પણ જામીન નામંજૂર કરવામાં આવ્યા છે.

સુપ્રીમ કોર્ટે જેલોમાં કોરોના વાયરસના સંક્રમણનું જોખવ ઘટાડવા માટે કેદીઓને મૂક્ત કરવા માટે સરકારને સલાહ આપી હતી. ત્યારબાદ મોટાભાગના કેદીઓ આ મહામારી દરમિયાન તેમના પરિવારને મદદ કરી શકે તે માટે જામીન માંગી રહ્યાં છે. સુરત કોર્ટ દ્વારા દુષ્કર્મ કેસમાં દોષિત જાહેર કરાયેલા અને આજીવન કેદની સજા ભોગવતા નારાયણ સાંઈએ પણ કોરોના મહામારીમાં તેની પરિવારની મદદ કરી શકે તે માટે જેલ ઓથોરિટીના માધ્યમથી હંગામી જામીન માંગ્યા હતા.

જો કે, ન્યાયાધીશ જે. બી. પારડીવાલા અને ન્યાયાધીશ આઇ. જે. વોરાની ખંડપીઠે સાંઈની દલીલથી સહમત ન થતા મંગળવારે તેણે કરેલી અરજીને ફગાવી દીધી હતી. કોર્ટે જણાવ્યું હતું કે હાલ જેલમાં બંધ નારાયણ સાઈએ જે કારણ રજૂ કરી હંગામી જામીન માગ્યા છે તેને સ્વીકારી શકાય તેમ નથી.

30 માર્ચે હાઇકોર્ટે આસારામને હંગામી જામીન આપવાનો ઇનકાર કર્યો હતો. જેલમાં રહેશે તો તેણે કોરોનાનો ચેપ લાગી જશે, તેવા ડરથી આસારામ જેલમાંથી છૂટવા માંગતો હતો. તેણે દલીલ કરી હતી કે વધુ ઉંમર હોવાને કારણે કોરોનાને લઈને તે અસુરક્ષિત છે. હાલ આસારામ રાજસ્થાનના જોધપુરની જેલમાં કેદ છે. રાજસ્થાન કોર્ટે સગીર પર જાતીય સતામણીના કેસમાં તેણે દોષિત જાહેર કર્યો હતો. ગુજરાતમાં પણ તે બળાત્કારના આરોપોનો સામનો કરી રહ્યો છે અને ગાંધીનગર કોર્ટમાં તેની સામે કેસો ચાલી રહ્યા છે.

કોરોનાએ એશિયાની સૌથી મોટી સિવિલ હોસ્પિટલને બનાવી સ્મશાન ગૃહ