Gujarat Exclusive > ગુજરાત > મધ્ય ગુજરાત > ધોરણ 12 સાયન્સમાં એક કે બે વિષયમાં નાપાસ વિદ્યાર્થીઓ માટે યોજાશે પૂરક પરીક્ષા

ધોરણ 12 સાયન્સમાં એક કે બે વિષયમાં નાપાસ વિદ્યાર્થીઓ માટે યોજાશે પૂરક પરીક્ષા

0
766

કોરોના વાયરસના કારણે રાજયમાં લોકડાઉનન જાહેર કરવામાં આવ્યું હતું. જેના કારણે બોર્ડના પરિણામ પણ પેન્ડિંગ રાખવામાં આવ્યા હતા. આ વર્ષનું પરિણામ ગત 8 વર્ષ કરતા સૌથી નીચું પરિણામ રહ્યું હતું. ચાલુ વર્ષે 1,16,494 વિદ્યાર્થીઓએ વિજ્ઞાન પ્રવાહની પરીક્ષા આપી હતી. હવે ગુજરાત માધ્યમિક અને ઉચ્ચત્તર માધ્યમિક શિક્ષણ બોર્ડે પોતાની યાદીમાં જણાવ્યું હતું કે, માર્ચ-2020માં જે વિદ્યાર્થીઓ એક કે બે વિષયમાં નાપાસ છે અથવા તો માર્કશીટમાં સુધારણાને અવકાશ (Needs Improvement) લખેલું હોય તેવા વિદ્યાર્થીઓ માટે પૂરક પરીક્ષાનું આયોજન કરવામાં આવશે.

આ પૂરક પરીક્ષા માટેનું આવેદન શાળાઓએ બોર્ડની વેબસાઈટ www.gseb.org અથવા તો hscsciexamreg.gseb.org પરથી ઓનલાઈન કરવાનું રહેશે. પરીક્ષા માટેનું આવેદન તારીખ 11/06/2020 બપોરે 14.00 કલાકથી તારીખ 20/06/2020 સાંજે 17.00 કલાક સુધી ઓનલાઈન કરવામાં આવશે. યાદીમાં એ પણ ઉલ્લેખ કરવામાં આવ્યો છે કે, આવેદન કરવાની પ્રક્રિયા તથા ફી ભરવાની પ્રક્રિયા શાળા દ્વારા ફક્ત ઓનલાઈન જ કરવાની રહેશે. રુબરુ અથવા તો ટપાલ દ્વારા આવેદન સ્વીકારવાની પદ્ધતિ અમલમાં રહેશે નહીં.

આ ઉમેદવારોને ફી ભરવામાંથી મુક્તિ

કન્યા ઉમેદવાર અને દિવ્યાંગ ઉમેદવારોને સરકારે પરીક્ષા ફી ભરવામાંથી મુક્તિ આપી છે. જેથી કન્યા ઉમેદવારો અને દિવ્યાંગ ઉમેદવારો પાસેથી પરીક્ષા ફી લેવામાં નહીં આવે પરંતુ પૂરક પરીક્ષા માટે ઓનલાઈન રજીસ્ટ્રેશન કરવું ફરજિયાત રહેશે. કોરોના વાયરસની સ્થિતિમાં જે પણ ઉમેદવારો શાળા પર ન જઈ શકે તેવી સ્થિતિમાં ન હોય તેઓ ઓનલાઈન આવેદન કરીને ફી ભરી શકશે. ઓનલાઈન આવેદન અંગે વધુ સૂચનાઓ ગુજરાત માધ્યમિક અને ઉચ્ચત્તર માધ્યમિક શિક્ષણ બોર્ડની વેબસાઈટ પર મૂકવામાં આવશે.

સૌથી વધારે A ગ્રુપનું પરિણામ

નોંધનીય છે કે, A ગ્રુપમાં પાસ થનારા વિદ્યાર્થીઓની ટકાવારી ગત વર્ષ કરતા વધારે એટલે કે 78.92% નોંધાઈ છે. જ્યારે B ગ્રુપમાં પરિણામની ટકાવારી 67.26% રહી છે. આ ઉપરાંત AB ગ્રુપ ધરાવતા વિદ્યાર્થીઓની ટકાવારી 64.29% રહી છે. જ્યારે આ વર્ષે 35 સ્કૂલ એવી હતી જેમાં 100% પરિણામ આવ્યું હતું. અંગ્રેજી મીડિયમના ઉમેદવારોના પરિણામની ટકાવારી 75.13% રહી છે જ્યારે ગુજરાતી મીડિયમના વિદ્યાર્થીઓની ટકાવારી 71.09% રહી છે.

સરદાર સરોવર નર્મદા ડેમની સપાટીમાં ધરખમ વધારો, 45000 ક્યૂસેક પાણીની આવક