Gujarat Exclusive > ગુજરાત > મધ્ય ગુજરાત > રાજયમાં ફરી એકવાર જામશે વરસાદી માહોલ: હવામાન વિભાગ

રાજયમાં ફરી એકવાર જામશે વરસાદી માહોલ: હવામાન વિભાગ

0
59

રાજયમાં છેલ્લા કેટલાક સમયથી અમદાવાદ સહિત ઘણા વિસ્તારોમાં  તો થાય છે પરતું થોડીક જ વારમાં ફરી તડકો થઈ જાય છે. ત્યારે ફરી એકવાર હવામાન વિભાગે વરસાદની આગાહી આપતા જણાવ્યું છે કે, રાજયમાં આગામી 4 તારીખથી 6 સુધી ભારેથી અતિભારે વરસાદ પડવાની શ્કયતા છે.

રાજયમાં છેલ્લા કેટલાક દિવસોથી વરસાદી માહોલ જોવા માટે લોકો ભારે આતુરતાથી રાહ જોઈ રહ્યા છે. જો કે રાજયમાં ગરમીના પ્રમાણમાં પણ સતત વધારો જોવા મળી રહ્યો છે, જેથી લોકો ભારે ગરમીના કારણે ત્રાહિમામ પોકારી ઉઠ્યા છે. જગતના તાતને રિઝવવા માટે લોકો અનેક પ્રયાસો પણ કરી રહ્યા છે.

હવામાન વિભાગ દ્વારા આગાહી કરવામાં આવી છે કે, સાકલોનીક સર્ક્યુલેશન અને લો પ્રેશર બંને સિસ્ટમની અસર થવાના કારણે રાજ્યમાં વરસાદી માહોલ રહશે. રાજ્યમાં 4, 5, અને 6 ઓગસ્ટના રોજ ભારેથી અતિભારે વરસાદની આગાહી હવામાન વિભાગ દ્વાર કરવામાં આવી છે.

આ પણ વાંચો: બર્થ ડે નિમિતે રુપાણી સરકારે રાજકોટવાસીઓને આપી મોટી ભેટ

4 થી 6 ઓગસ્ટના વલસાડ, નવસારી, દમણ, ભરૂચ, સુરત, અમરેલી, ભાવનગર, ગીર સોમનાથ, બનાસકાંઠા, પાટણ, બોટાદ, અમદાવાદ, આણંદ, વડોદરા, ડાંગ, તાપી, ગીર સોમનાથ, ખેડા, પોરબંદર, જુનાગઢમાં ભારેથી અતિભારે વરસાદ થશે.

હવામાનની આ આગાહી સાકલોનીક સર્ક્યુલેશન અને લો પ્રેશર બંને સિસ્ટમની અસરને લઇ કરવામાં આવી છે.

સાયક્લોનિક સર્ક્યુલેશન સક્રિય થતા વરસાદી માહોલ રહેશે અને 4થી 6 ઓગસ્ટ ભારેથી અતિભારે વરસાદની આગાહી કરવામાં આવી છે. દક્ષિણ ગુજરાત અને સૌરાષ્ટ્રમાં ભારે વરસાદની આગાહી કરવામાં આવી છે.

આ બેઠકમાં કૃષિ વિભાગ તરફથી જણાવવામાં આવ્યું કે, રાજ્યમાં અત્યાર સુધી 70.27 લાખ હેક્ટર વિસ્તારમાં વિવિધ પાકોની વાવણી થઈ ચૂકી છે. ગત વર્ષે આજ સમય દરમિયાન 58.17 લાખ હેક્ટરમાં વાવણી કરવામાં આવી હતી.

સિંચાઈ વિભાગના જણાવ્યા પ્રમાણે, સારા વરસાદના કારણે રાજ્યના ડેમોમાં પાણીના સંગ્રહની સ્થિતિ સુધરી છે. હાલ રાજ્યના ડેમોમાં ક્ષમતા કરતા 50 ટકા વધુ સંગ્રહ થઈ ચૂક્યો છે.