Gujarat Exclusive > ગુજરાત > મધ્ય ગુજરાત > આજે ગુજરાતનું પાટનગર ગાંધીનગર 56નું થયું, જાણો અત્યાર સુધી શું બદલાયું?

આજે ગુજરાતનું પાટનગર ગાંધીનગર 56નું થયું, જાણો અત્યાર સુધી શું બદલાયું?

0
60

ગાંધીનગર: ગુજરાતના પાટનગર (Gujarat Capital)  ગાંધીનગરની 2 ઓગસ્ટ 1965ના રોજ સ્થાપના થઇ હતી. એક સમયે સૂમસામ ભાસતું ગાંધીનગર હાલ એજ્યુકેશન હબ બની હયુ છે. આગામી દિવસોમાં સોલાર સિટી, ગ્રીન સીટી, મોડલ સિટી, ક્લીનસિટીના તાજ લાગવાના છે, તો મહાત્મા મંદિર અને ગીફ્ટ સિટીની નવી ઓળખ પણ ગાંધીનગરને મળી છે.

કંઇ રીતે પડ્યું ગાંધીનગર નામ?
ગાંધીનગર (Gandhinagar) નામ ભારતના રાષ્ટ્રપિતા મહાત્મા ગાંધીના (Mahatma Gandhi)નામ પરથી રાખવાનું સૂચન 16 માર્ચ ૧960ના રોજ મુખ્યમંત્રી જીવરાજ મહેતાએ કર્યું હતું. ગાંધીનગર શહેરની સ્થાપના 2 ઓગસ્ટ 1965ના રોજ થઇ હતી અને 1971થી ગાંધીનગર ગુજરાતની રાજધાની બન્યું હતું. તે સમયે મુખ્યમંત્રી હિતેન્દ્ર દેસાઈ હતા. જ્યારે શહેરની રચનાનું આયોજન ચીફ આર્કિટેક્ટ એચ. કે. મેવાડા અને તેમના સહયોગી પ્રકાશ એમ.આપ્ટેએ કર્યું હતું.

ગાંધીનગર શહેરને વિવિધ સેક્ટરોમાં વિભાજીત કરવામાં આવ્યું છે. જેમાં ક, ખ, ગ, ઘ, ચ, છ, જ નામના ઉભા તથા 1, 2, ૩,4,5,6 અને 7 નામના આડા રસ્તા આવેલા છે. ક, ખ, ગ, ઘ, ચ, અને છ રોડની દિશા ઉત્તર-દક્ષિણ છે, જ્યારે અંકોમાં નિર્દિષ્ટ રસ્તાઓની દિશા પૂર્વ-પશ્ચિમ છે. ઊભા અને આડા રસ્તાઓ દર 1 કિલોમિટરનાં અંતરે એકબીજાને છેડે છે.

રોડનો કેટલાક ભાગમાં પૂર્વ-પશ્ચિમ છે અને કેટલાક ભાગમાં ઉત્તર-દક્ષિણ છે. ગાંધીનગર શહેરની રચનામાં સિંધુ સંસ્કૃતિની એક અનોખી ઝલક જાવા મળે છે. આ ઉપરાંત સુ-વ્યવસ્થિત નગર નિયોજન જોવા મળે છે.

આ પણ વાંચો:  આઝાદી બાદ કેટલુ બદલાયુ ગુજરાત?

ગાંધીનગર: ગુજરાતનું સાતમું પાટનગર
ગાંધીનગર ગુજરાતનું સાતમું પાટનગર છે. આ અગાઉ પ્રથમ આનર્તપુર, બીજુ ધ્વરાવતી (દ્વારકા), ત્રીજુ ગીરીનગર (જૂનાગઢ), ચોથુ વલ્લભી (ભાવનગર), પાંચમું અણહીલપુર (પાટણ), છઠ્ઠુ અમદાવાદ અને સાતમું ગાંધીનગર પાટનગર બન્યુ હતું.

રાષ્ટ્રપિતા મહાત્મા ગાંધીના નામ પરથી સાબરમતી નદીના કિનારે વસાવાયેલા ગાંધીનગરમાં ઇમારતોની શરૂઆત GEB કોલોનીના ગેસ્ટ હાઉસથી થઇ હતી. જ્યારે ગાંધીનગરમાં પ્રથમ સચિવાલય અમદાવાદમાં હાલના પોલિટેકનિક મકાન (આંબાવાડી)થી ખસેડી લેવાયુ હતું.

આ જૂના સચિવાલય એટલે કે, ગુજરાતના પ્રથમ મુખ્યમંત્રી ડૉ.જીવરાજ મહેતાનું નામકરણ ધરાવતી ઇમારતમાં સ્થળાંતર થયુ હતું. જે બાદ 11 જુલાઇ, 1985ના રોજ નવા સચિવાલયમાં 9 માળના કુલ 2 બ્લોકમાં બ્લોક નંબર 1થી 14 કાર્યરત થયા. જ્યાં મુખ્યમંત્રી સહિત અન્ય મંત્રીઓ માટે બ્લોક નંબર 1-2માં વિશિષ્ટ સુવિધાઓ ઉપલબ્ધ કરવામાં આવી હતી. આ પછી 6 વર્ષ પહેલા સ્વર્ણિમ સંકુલ 1 અને 2નું નિર્માણ કરતાં મુખ્યમંત્રી અને મંત્રીમંડળ કાર્યરત છે.

આ પણ વાંચો: કોંગ્રેસ ધારાસભ્ય લલિત કગથરાના પરિવારના 22 સભ્યો કોરોનાથી સંક્રમિત

ગાંધીનગરના જોવાલાયક સ્થળો
ગાંધીનગરમાં જોવાલાયક સ્થળોમાં સેક્ટર 28નો બગીચો, બાલક્રિડાંગણ, અક્ષરધામ મંદિર અને સ્વામિનારાયણ ધામ (ઇન્ફોસિટીની સામે) છે, જે ગાંધીનગરમાં સૌથી વિશાળ જગ્યામાં ઘેરાયેલુ છે. ગાંધીનગરની નજીકમાં વિજાપુર રોડ પર મહૂડી ઘંટાકર્ણ મહાવીરનું પ્રખ્યાત જૈન મંદિર તથા અમરનાથ ધામ (મૂળ અમરનાથની પ્રતિકૃતિ) પણ જોવા લાયક છે. (Old Copy Re-Post)

અક્ષરધામ (ગાંધીનગર)
સેક્ટર 28નો બગીચો (ગાંધીનગર)
ગુજરાત વિધાનસભા
ઇન્ફોસિટી (ગાંધીનગર)
મહાત્મા મંદિર (ગાંધીનગર)
સ્વર્ણિમ પાર્ક ( ગાંધીનગર)
સરિતા ઉદ્યાન (ગાંધીનગર)
હરણ ઉદ્યાન (ગાંધીનગર)
સચિવાલય (ગુજરાત)
સ્વપ્ન સૃષ્ટિ જળ ઉદ્યાન (વોટર પાર્ક)
અમરનાથ મંદિર
સાબરમતી નદીના કિનારે ચીમનભાઇ પટેલની સમાધિ ‘નર્મદા ઘાટ’ આવેલ છે.