Gujarat Exclusive > ગુજરાત > મધ્ય ગુજરાત > પૂર્વ MP યોગેન્દ્ર મકવાણાના પુત્ર ભરતના હેબતપુર ખાતેના લાલ બંગલોમાંથી રૂ.30.70 લાખની ચોરી

પૂર્વ MP યોગેન્દ્ર મકવાણાના પુત્ર ભરતના હેબતપુર ખાતેના લાલ બંગલોમાંથી રૂ.30.70 લાખની ચોરી

0
400

અમદાવાદઃ કોંગ્રેસના પૂર્વ MP યોગેન્દ્ર મકવાણાના પુત્ર ભરત મકવાણાના થલતેજ હેબતપુર રોડ પર આવેલા લાલ બગલોમાંથી રૂ.30.70 લાખની મત્તાના દાગીના અને રોકડ રકમની ચોરી થવા પામી છે.ભરત મકવાણા પરીવાર સાથે 17 દીવસ અગાઉ અમેરિકા ફરવા ગયા છે.

બંગલોમાંથી ચોરી થયા બાદ હાજર હાઉસ સ્ટાફમાંથી દેવીલાલ નામનો નોકર 5 દીવસથી ગાયબ થઈ ગયો છે. સોલા પોલીસે ગણેશ હાઉસીંગના ટ્રેઝરી મેનેજર રીશીતભાઈની ફરિયાદ આધારે મંગળવારે ગુનો નોંધી તપાસ હાથ ધરી છે. ભરતભાઈ આઈએએસ અનુરાધા મલ્લના ભાઈ અને વિનોદ મલ્લના સાળા તેમજ ગણેશ હાઉસીંગ પરિવારના જમાઈ થાય છે.

થલતેજ હેબતપુર રોડ પર સાંગરીલા બંગલોના ઝાંપા પાસે આવેલા લાલ બંગલોમાં રહેતાં પૂર્વ એમપી યોગેન્દ્ર મકવાણાના પુત્ર ભરત મકવાણા તેમના પત્ની રીટાબહેન, પુત્ર ક્રિષ્ના અને પુત્રી અદીતી સાથે ગત તા.23,ઓગષ્ટના રોજ અમેરીકા ફરવા માટે ગયા હતાં.

આ પણ વાંચોઃ ટોસિલિઝુમેબ અને રેમડેસિવિર ઇન્જેક્શનનાં કાળા બજાર કરનાર 4ની ધરપકડ

રીટાબહેનના કુટુંબી ભાણેજ રીશીત રાજેન્દ્ર પટેલ (રહે, પટેલ વાસ, રામજી મંદીર સામે,વાસણા) કે જેઓ ગણેશ હાઉસીંગમાં ટ્રેઝરી મેનેજર તરીકે ફરજ બજાવે છે. રીશીતભાઈને ડ્રાઈવર મેહબુબભાઈએ મંગળવારે ફોન કરી રીટાબહેનના ઘરે ચોરી થયાની જાણ કરી હતી.

રીશીતભાઈ સ્થળ પર જઈ તપાસ કરતા રીટાબહેનના બંગલાના પહેલા માળે આવેલા માસ્ટર બેડ રૂમ અને ચિલ્ડ્રન રૂમના બારીની ગ્રીલ તોડી કાચ કાઢેલા હતા. માસ્ટર રૂમના કબાટના ડ્રોવરના લોક તૂટેલા અને સામાન અસ્તવ્યસ્ત પડેલો હતો. ધાતુની નાની તિજોરી બાથરૂમમાં તૂટેલી પડેલી હતી. તસ્કરો હિરાના દાગીના,ઘડીયાળો, રોકડ રૂ.70 હજાર મળી કુલ રૂ 30.70 લાખની મતા ચોરી ગયા હતાં.

રીશીતભાઈના જણાવ્યાં મુજબ તેમના માસીના બંગલોમાં ડ્રાઈવર મહેબૂબભાઈ, ગાર્ડ પ્રદીપ અને બીપીન, ઘરકામ કરતા દેવીલાલ અને સીમાબહેન તેમજ રસોઈ કરતા આશાબહેન મળીને કુલ 6 કર્મચારી છે. દેવીલાલ છેલ્લા 5 દિવસથી સીમકાર્ડ બંધ કરી ગાયબ છે.

જ્યારે સીમાબહેનએ જણાવ્યું કે, ગત તા.5ના રોજ તેઓએ સાફસફાઈ કરી દરવાજા લોક કર્યા હતાં. મંગળવારે સાફસફાઈ માટે ગયા ત્યારે ઘરનો સામાન વેરવીખેર હાલતમાં હતો. જેથી ડ્રાઈવર મહેબૂબભાઈને જાણ કરી હતી.સોલા પોલીસે રીશીત પટેલની ફરિયાદ આધારે ગુનો નોંધી તપાસ હાથ ધરી છે.

આ પણ વાંચોઃ Corona updates : દેશમાં કુલ કેસ 43 લાખને પાર, મૃતકોની કુલ સંખ્યા 73 હજારને પાર