Gujarat Exclusive > દેશ-વિદેશ > ભારતમાં કોરોનાનો આંકડો પ્રતિ દિન એક લાખ પર પહોંચવાની તૈયારીમાં

ભારતમાં કોરોનાનો આંકડો પ્રતિ દિન એક લાખ પર પહોંચવાની તૈયારીમાં

0
46

નવી દિલ્હીઃ કેન્દ્રીય આરોગ્ય અને કુટુંબ કલ્યાણ મંત્રાલયે ભારતમાં છેલ્લા 24 કલાક દરમિયાન કોરોના (corona) 97,894 નવા કેસ નોંધ્યા છે. આના પગલે કોરોનાના (corona)કેસનો આંકડો 50.20 લાખ થઈ ગયો છે.

પણ સમગ્ર દેશમાં 97,894નો નોંધાયેલો આંકડો વાસ્તવમાં દેશમાં અત્યાર સુધીમાં એક જ દિવસમાં નોંધાયેલો સૌથી મોટો ઊછાળો છે. આ પહેલા 12મી સપ્ટેમ્બરના રોજ 97,570 કેસ નોંધાયા હતા, જ્યારે 11મી સપ્ટેમ્બરના રોજ 96,551 કેસ નોંધાયા હતા.

આ પણ વાંચોઃ નવેમ્બર સુધી દેશને મળી જશે કોરોના વેક્સિન!, Dr. Reddy’s સાથે થયો કરાર

તે બાબત નોંધનીય છે કે કોરોનાના (corona)આંકડામાં ભારત હવે બ્રાઝિલને પાછળ છોડીને બીજા નંબરે આવી ગયું છે.

કોરોનાથી 83,198 મોત

દિવસ દરમિયાન કોરોનાના (corona)લીધે 1,132 મોત થયા હતા. આના પગલે ભારતમાં કોરોનાના (corona)લીધે મૃત્યુ પામનારાઓની સંખ્યા 83,198 પર પહોંચી ગઈ છે. નોંધનીય વાત એ છે કે છેલ્લા કેટલાય દિવસોથી કોરોનાના (corona)લીધે મૃત્યુ પામનારાઓની સંખ્યા 1,000થી ઉપર રહી છે. ફક્ત પહેલી સપ્ટેમ્બરના રોજ જ આ આંકડો 900થી નીચે રહ્યો હતો. જ્યારે 16મી સપ્ટેમ્બરના રોજ પ્રતિ દિન 1,200નો આંકડો વટાવ્યો હતો.

આ પણ વાંચોઃ કેન્દ્રીય મંત્રી નિતિન ગડકરી કોરોના પોઝિટિવ, બે દિવસ પહેલા જ સંસદ પહોંચ્યા હતા

જો કે થોડા દિવસ સુધી દેશમાં કોરોનાના (corona)પ્રતિ દિન આંકડા 80,000ની નીચે રહ્યા હતા, જો કે 17મી સપ્ટેમ્બરમાં રોજ નોંધપાત્ર ઉછાળાના લીધે તેનો આંકડો 97,894 નોંધાયો છે.

40.25 લાખ સાજા થયા

કોરોનાના(corona) નોંધાયેલા કુલ 51.18 લાખ કેસમાંથી કુલ 40.25 લાખ લોકો સાજા થઈ ગયા છે. તેની સાથે એક્ટિવ કેસનો આંકડો પણ દસ લાખને વટાવી ગયો છે. આમ દેશનો રિકવરી રેટ 78.64 ટકા છે. વાસ્તવમાં રિકવરી રેટ 27મી ઓગસ્ટ પછી થોડો ઘટ્યો છે, તેનું કારણ એક્ટિવ કેસમાં થયેલો વધારો છે. તે કેસોમાં થયેલા ઝડપી વધારાના લીધે 7, 10 અને 11મી સપ્ટેમ્બરના રોજ પણ ઘટ્યો હતો.

6.02 કરોડ સેમ્પલની ચકાસણી

ઇન્ડિયન કાઉન્સિલ ઓફ મેડિકલ રિસર્ચ (ICMR)ના જણાવ્યા મુજબ સમગ્ર દેશમાં અત્યાર સુધીમાં કુલ 6.02 કરોડ કોવિડ પરીક્ષણ થઈ ચૂક્યા છે. તેમા બીજી સપ્ટેમ્બરના રોજ કુલ 11.72 લાખ સેમ્પલનું પરીક્ષણ થયુ હતુ, જે અત્યાર સુધીનું એક જ દિવસમાં સૌથી વધુ થયેલું પરીક્ષણ છે. આ ઉપરાંત ત્રીજી સપ્ટેમ્બરે 11.69 લાખનું અને 16મી સપ્ટેમ્બરે 11.36 લાખ સેમ્પલનું પરીક્ષણ થયુ હતુ. આરોગ્ય મંત્રાલયે જણાવ્યું હતું કે ટેસ્ટ, ટ્રેક અને ટ્રીટ વ્યૂહરચનાના આધારે ભારતે તેની પ્રતિ દિન પરીક્ષણ ક્ષમતા દસ લાખ પર પહોંચાડી દીધી છે.

દિવસમાં 1,172 લોકોના મોત

દિવસ દરમિયાન 1,132 મોત થયા હતા, તેમા મહારાષ્ટ્રમાં સૌથી વધુ 474 મોત થયા હતા, ઉત્તરપ્રદેશમાં 86, પંજાબમાં 78, આંધ્રમાં 64,પસ્ચિમ બંગાળમાં 61, તમિલનાડુમાં 57 અને કર્ણાટકમાં 55 મોત થયા હતા. આ સિવાય ગુજરાતમાં 12, દિલ્હીમાં 33 અને મધ્યપ્રદેશમાં 24 મોત થયા હતા.

આ પણ વાંચોઃ Corona Case Update: દેશમાં કોરોના સંક્રમિતોની સંખ્યા 50 લાખને પાર

ઓડિશામાં 11, બિહારમાં 12 મોત થયા હતા. તેલંગણામાં 9, રાજસ્થાનમાં 15 અને જમ્મુ-કાશ્મીરમાં 18 મોત થયા હતા. આસામમાં 19, હરિયાણામાં 19 અને ઉત્તરાખંડમાં નવના મોત થયા હતા. પુડુચેરીમાં 13 અને ઝારખંડમાં 8 અને કેરળમાં 14 મોત થયા હતા.