Gujarat Exclusive > The Exclusive > કોરોનાના ઓછાયા વચ્ચે સીએમ તથા ભાજપના પ્રદેશ પ્રમુખ વચ્ચે બેઠક યોજાઇ

કોરોનાના ઓછાયા વચ્ચે સીએમ તથા ભાજપના પ્રદેશ પ્રમુખ વચ્ચે બેઠક યોજાઇ

0
50
  • દર મંગળવારે સરકાર અને સંગઠન વચ્ચે બેઠક યોજાવાની શક્યતા
  • અગાઉના મુખ્યમંત્રીના સમયે આ જ રીતે બેઠકો યોજાતી હતી
  • પાટિલનો કોરોના રિપોર્ટ જો પોઝિટિવ આવશે તો સીએમે ફરીથી આઇસોલેટ થવુ પડશે
  • અગાઉ ઇમરાન ખેડાવાલા સાથેની મુલાકાત બાદ સીએમે આઇસોલેટ થવુ પડ્યું હતું

અમદાવાદઃ ગુજરાતના મુખ્યમંત્રી (CM) વિજય રૂપાણી (Vijay Rupani) તથા ભાજપના ગુજરાતના પ્રદેશ પ્રમુખ સી.આર. પાટીલ (C.R. Patil) વચ્ચે આજે સી.એમ. બંગલે બેઠક યોજાઇ હતી. આ બેઠકમાં ચિંતન બેઠક સહિતના મુદ્દાઓ પર ચર્ચા થઇ હોવાની માહિતી મળી છે. આ જ રીતે હવે દર મંગળવારે સરકાર અને સંગઠન વચ્ચે સંકલન જળવાઇ રહે તે માટે બેઠક યોજાશે તેવું સૂત્રોએ જણાવ્યું છે.

સી.આર. પાટિલના કોરોનાની વાતે ચકચાર જગાવી

દરમિયાનમાં બપોરે ગુજરાત ભાજપના પ્રદેશ પ્રમુખ સી.આર. પાટીલને કોરોના પોઝિટિવ (Corona positive) આવ્યો હોવાની વાતે ભારે ચકચાર જગાવ્યો હતો. જો કે તેમણે તબિયત સારી હોવાની સાથે તેમનો રેપિડ એન્ટિજન ટેસ્ટ નેગેટિવ આવ્યો છે. કોરોનાના રિપોર્ટ બાકી હોવાની હકીકત ટવીટ કરી હતી. જો તેમને રિપોર્ટ પોઝિટિવ આવે તો અનેક નેતાઓને રિપોર્ટ કઢાવવા પડે અથવા તો પછી આઇસોલેશન થઇ જવું પડે તેવી સ્થિતિનું નિર્માણ થઇ શકે છે.

આ પણ વાંચોઃ CM વિજય રૂપાણીનો દાવો: કોરોના કાળમાં પણ ગુજરાતની વિકાસકૂચ જારી

આનંદીબહેન વખતે પણ આ રીતે બેેઠકો થતી હતી

આજે મીટીંગ થઇ હોવાથી ગુજરાતના મુખ્યમંત્રી વિજયભાઇને પણ આ જ પરિસ્થિતિનું પુનરાવર્તન થાય. કેમ કે અગાઉ કોંગ્રેસના ધારાસભ્ય ઇમરાન ખેડાવાલા સાથે બેઠક યોજાઇ હતી. તે પછી તેમનો રિપોર્ટ પોઝીટીવ આવતાં મુખ્યમંત્રીને હોમ આઇસોલેશન થઇ જવું પડયું હતું.

આજે મુખ્યમંત્રી વિજયભાઇ રૂપાણી તથા ભાજપના પ્રદેશ પ્રમુખ સી.આર. પાટીલ વચ્ચે સીએમ બંગલે બેઠક યોજાઇ હતી. અને હવે દર મંગળવારે તેમના વચ્ચે આ જ રીતે સાપ્તાહિક બેઠક યોજાશે તેવી વાતો પ્રકાશમાં આવી હતી. આજની બેઠકમાં ચિંતન બેઠક યોજવા સહિત સંગઠન અને સરકાર વચ્ચે સુમેળભર્યુ વાતાવરણ જળવાઇ રહે તેમ જ સંગઠનમાં જરૂરી ફેરફારથી માંડીને અન્ય કામગીરી સંદર્ભે ચર્ચા થઇ હતી. આમ બેઠકનો મુખ્ય હેતુ સંગઠન અને સરકાર વચ્ચે તાલમેળ જાળવવાનો હતો.

આ પણ વાંચોઃ ભાજપ પ્રદેશ પ્રમુખ સીઆર પાટીલ કોરોના પોઝિટિવ હોવા અંગે ભારે અસમંજસ

હાલ ઉત્તરપ્રદેશના રાજયપાલ તથા ગુજરાતના તત્કાલિન મુખ્યમંત્રી આનંદીબેન પટેલના સમયમાં પણ કોર કમિટીની બેઠક યોજાતી હતી. જેમાં સરકારના સીનીયર મંત્રીઓ તથા સંગઠનના ઉચ્ચ આગેવાનો વચ્ચે દર મંગળવારે જ સી.એમ. બંગલે બેઠકો થતી હતી. મુખ્યમંત્રી વિજયભાઇના સમયમાં પણ શરૂઆત બેઠકો યોજાતી હતી. પરંતુ છેલ્લાં કેટલાંક સમયથી આ બેઠકો બંધ થઇ હતી. તે હવે ફરીથી શરૂ કરવા માટેની ચર્ચા પણ આ બેઠકમાં થઇ હોવાની માહિતી મળવા પામી છે.