Gujarat Exclusive > ગુજરાત > મધ્ય ગુજરાત > રતલામનાં અફસાનાબાનું સિવિલમાં ગરદનના મણકાના TBથી પીડામુક્ત થયાં

રતલામનાં અફસાનાબાનું સિવિલમાં ગરદનના મણકાના TBથી પીડામુક્ત થયાં

0
81
  • સિવિલ હોસ્પિટલ ઓર્થોપેડિક વિભાગઅત્યંત જટિલ સર્જરી કરી
  • ડૉ. જેપી મોદી, તેમની ટીમે Atlantoaxial subluxationનું ઓપરેશન કર્યું

અમદાવાદઃ મધ્યપ્રદેશ રતલામનાં રહેવાસી અફસાના બાનુની અમદાવાદ સિવિલમાં ગરદનના મણકા (Spinal cord)ના ટીબીથી પીડામુક્ત થયાં. સિવિલ હોસ્પિટલ (Civil Hospital)ના ઓર્થોપેડિક વિભાગના વડા ડૉ. જે.પી. મોદી (Dr. JP Modi)અને તેમની ટીમ દ્વારા સર્જરી હાથ ધરવામાં આવી હતી. ડૉ. મોદીનું કહેવું છે કે અફસાના બાનુ સંપૂર્ણ પીડામુક્ત છે અને ટુંકમાં તેમને રજા આપવામાં આવશે.

અફસાના બાનુને બીજી પ્રસુતિ બાદ શરીરના વિવિધ ભાગોમાં તકલીફ ઉભી થઇ. ખાસ કરીને તેમને ગરદનના ભાગમાં અસહ્ય પીડા રહેતી હતી. જેના નિદાન માટે મધ્યપ્રદેશના સરકારી તેમજ વિવિધ ખાનગી દવાખાનાઓમાં ગયા પરંતુ કોઇ સચોટ સારવાર કરી શક્યુ નહીં.પોતાની પીડા લઇને દર બદર ભટકતા રહ્યા. ક્યાંય નિદાન દેખાય તો પણ નાણાકીય ભીંસ અને ખર્ચાળ સર્જરી પરવડે તેમ ન હોવાથી નિરાશા હાથે વળગી.જેથી પીડા સહન કરતા રહ્યા. આ વેદના જ્યારે અસ્હ્ય બની ત્યારે અમદાવાદ સિવિલ હોસ્પિટલ આવી પહોચ્યા.

આ પણ વાંચોઃ ગુજરાતની પ્રથમ હેરિટેજ ટુરિઝમ પોલિસી જાહેર, હોટલના રિનોવેશન માટે 10 કરોડ સુધીની સહાય

અફસાના સિવિલ આવ્યાં ત્યારે લક્વાગ્રસ્ત હતાં

રતલામના 30 વર્ષીય અફસાના બાનુ પોતાના ગરદનની અસહ્ય વેદના સાથે સિવિલ હોસ્પિટલ આવ્યા ત્યારે તેઓ લકવાગ્રસ્ત હતા. શરીરના વિવિધ ભાગ હાથ-પગ કામ કરતા બંધ થઇ ગયા હતા.  પીડા સાથે શારીરિક ગંભીરતા વધી રહી હતી. વિવિધ રિપોર્ટસ કરાવતા માલૂમ પડ્યુ કે ગરદનના પહેલાં અને બીજા મણકામાં ટી.બી. થયો છે. જેની સર્જરી કરવી ખૂબ જ જરૂરી હતી. જેથી ત્વરીત સિવિલ હોસ્પિટલના ઓર્થોપેડિક વિભાગના વડા ડૉ. જે.પી. મોદી અને તેમની ટીમ દ્વારા સર્જરી હાથ ધરવામાં આવી.ભારે જહેમત બાદ અંતે સફળતા મળી અને અફસાના બાનું પીડામુક્ત બન્યા છે.

અફસાનાબાનુના પતિ શોહેબખાન કહે છે કે,

“હું રતલામમાં રિક્ષા ચલાવીને પરિવારનું ગુજરાન ચલાવું છું. મારાં પત્નીની તકલીફ વિશે જ્યારે ખબર પડી ત્યારે વિવિધ હોસ્પિટલના ધક્કા ખાધા પરંતુ નિષ્ફળતા જ હાથે લાગતી હતી. જ્યારે અમુક ખાનગી હોસ્પિટલમાં સર્જરી વિશે કહેવામાં આવ્યુ ત્યારે 3થી 4 લાાખનો ખર્ચ કહેવામાં આવ્યો.”

 “અમારા જેવા ગરીબ પરીવાર માટે અશક્ય હતો.જેથી મારી પત્ની જીવી પણ શકશે અને પીડામુક્ત બનશે તેની આશા છોડી ચૂક્યો હતો. પરતું અમદાવાદ સિવિલ હોસ્પિટલે મારી પત્ની અફસાનાબાનુને પીડામુક્ત કરીને નવજીવન બક્ષ્યુ છે જે માટે સિવિલ હોસ્પિટલ અને ગુજરાત સરકારનો હું અને મારા પત્ની હરહંમેશ ઋણી રહીશું.”

આ પણ વાંચોઃ રાજકોટમાં કોરોના બેકાબૂ, 100થી વધુ તબીબો સંક્રમિત થતાં તંત્ર હરકતમાં

સિવિલ હોસ્પિટલના સુપ્રીન્ટેન્ડેન્ટ અને ઓર્થોપેડિક વિભાગના વડા ડૉ. જે.પી. મોદી આ ઓપરેશનની ગંભીરતા જણાવતા કહે છે કે,

“ગરદન મણકાના ટી.બી.ને મેડિકલ ભાષામાં એટલાન્ટોએક્સિઅલ સબલકસેશન (Atlantoaxial subluxation) કહેવામાં આવે છે. જેમાં ગરદનનો પહેલો અને બીજો મણકો એક બીજા પર ખસી જાય છે. આ પ્રકારની સર્જરી ખૂબ જ જટિલ અને અસામાન્ય  હોય છે. તેમજ ઓપરેશન દરમિયાન કરોડરજ્જુ અથવા શરીરના બીજા ભાગને પણ ચેપ અથવા ઇજા પહોંચવાની સંભાવના પ્રબળ રહેલી હોય છે. જેથી ખૂબ જ ધ્યાનપૂર્વક આ સર્જરી કરવી પડે તેમ હતુ.

“ન્યુરોમોનિટરીંગ (Neuromonitoring) કરવાની પણ જરૂર પડી. આ તમામ પરિબળોને ધ્યાનમાં રાખીને ઓર્થોપેડિક અને એનેસ્થેટિક ટીમના સહિયારા પ્રયાસ થી ખૂબ જ જટિલ ઓપરેશન સરળતાપુર્વક પાર પાડવામાં આવ્યુ. આજે દર્દી અફસાનાબાનુ સંપૂર્ણપણે પીડામુક્ત બન્યાં છે. ટૂંક સમયમાં જ તેમને રજા આપવામાં આવશે જેથી તે સ્વગૃહે પરત ફરશે.”

આ પણ વાંચોઃ COVID-19ની ગાઇડલાઇન્સના ભંગ બદલ કતાર એરલાઇન્સને 1 લાખનો દંડ

સિવિલમાં આવતા 30-40 ટકા દર્દી મપ્ર, રાજસ્થાનનાં સિવિલ સુપ્રિન્ટેન્ડેન્ટ

ડૉ.જે.પી.મોદી ઉમેરે છે કે અમારી સિવિલ હોસ્પિટલમાં દેશના વિવિધ રાજ્યો અને ખાસ કરીને રાજસ્થાન અને મધ્યપ્રદેશમાંથી શારીરીક તકલીફ અર્થે આવતા દર્દીઓનું પ્રમાણ 30 થી 40 ટકા જેટલું છે. તેમજ સિવિલ હોસ્પિટલ દ્વારા સિવિલ મંદસૌર બસ પણ ચલાવવામાં આવે છે. અમદાવાદ સિવિલ હોસ્પિટલ ફક્ત ગુજરાત રાજ્યના જ નાગરિકો નહીં પરંતુ દેશના કોઇપણ ખૂણે થી આવતા દર્દીઓને પીડામુક્ત કરવામાં હંમેશા અગ્રેસર રહી છે.